பிரதமர், அத்வானிக்கு சிறந்த எம்பி விருது

காந்திநகர்:

இந்தியாவுக்கு எதிராக தவறான பிரச்சாரம் நடந்து வருவதாக என்று வீடியோ கான்பரன்சிங்மூலம் அமெரிக்காவிலுள்ளஇந்தியர்களிடையே நரேந்திர மோடி பேசினனார்.

அமெரிக்காவிலுள்ள ஆசிய அமெரிக்க ஹோட்டல் அதிபர்கள் கூட்டம் மற்றும் இந்திய- அமெரிக்க கூட்டமைப்பின்பொதுக்கூட்டத்தில் பேசுவதற்காக குஜராத் முதல்வர் நரேந்திர மோடி அமெரிக்கா செல்வதாக இருந்தது.

ஆனால், மோடிக்கு விசா வழங்க மறுத்த அமெரிக்க அவருக்கு ஏற்கனவே தரப்பட்ட விசாவையும் ரத்து செய்துவிட்டது. குஜராத்மதக் கலவரத்தில் மோடிக்கு நேரடி தொடர்பு இருந்ததாகக் குற்றம் சாட்டி இந்த நடவடிக்கையை அமெரிக்கா எடுத்தது.

இதற்கு பாஜக கடும் கண்டனம் தெரிவித்துள்ள நிலையில், அமெரிக்கா செல்ல இயலாத மோடி டெலிகான்பரன்ஸ் மூலம்நியூஜெர்சியில் கூடிய இந்திய-அமெரிக்கர்கள் இடையே உரையாற்றினார்.

அவர் பேசுகையில், எனக்கு விசா மறுக்கப்பட்டதால் அமெரிக்க அரசின் மீதோ அல்லது அந்நாட்டின் மக்கள் மீதோ எந்தவருத்தமும் இல்லை.

அமெரிக்காவில் வாழும் நீங்கள் இப்பிரச்சினையை ஏற்படுத்தியவர்களை அடையாளம் கண்டுகொள்ள வேண்டும்.

இந்தியாவுக்கு எதிராக தவறானப் பிரச்சாரம் நடந்து கொண்டிருக்கிறது. அதை நீங்கள் முறியடிக்க வேண்டும்.

குஜராத் மாநிலத்தில் எல்லா வளங்களும் உள்ளன. எனவே நீங்கள் அனைவரும் இங்கு முதலீடு செய்ய முன்வர வேண்டும். இம்மாநிலத்தில் பல நல்ல திட்டங்களை செயல்படுத்தியதற்காக உலக வங்கி, ஐ.நா. உட்பட பல சர்வதேச அமைப்பகள் பாராட்டுதெரிவித்துள்ளன என்றார்.

இதற்கிடையே குஜராத்தில் அமெரிக்க குளிர்பான நிறுவனமான கோகோ கோலா பாட்லிங் பிளாண்டை மோடியின்ஆதரவாளர்கள் உடைத்து சேதப்படுத்தினர்.

இந்த நிலையில் மோடிக்கு விசா வழங்குவது குறித்து அமெரிக்க அரசு பரிசீலித்து வருகிறது என்று அமெரிக்க காங்கிரசின்உறுப்பினரும் இந்திய நட்புறவுக் குழுவைச் சேர்ந்தவருமான பிராங்க் பேலோன் கூறியுள்ளார்.

நியூயார்க்கில் இது தொடர்பாக அவர் கூறுகையில், நரேந்திர மோடிக்கு மீண்டும் விசா கிடைக்க நான் முயற்சி எடுத்து வருகிறேன்.என்னுடைய கோரிக்கையை ஏற்று அமெரிக்க அரசு, மோடிக்கு விசா வழங்குவது குறித்து பரிசீலித்து வருகிறது.

ஆனால் இதன் முடிவு எப்படி இருக்கும் என்று எனக்குத் தெரியாது. இந்த நவீன உலகத்தில் இந்துவோ, முஸ்லிமோ அல்லதுகிறிஸ்தவரோ யாராக இருந்தாலும் அவர்களது மத அடிப்படை உரிமை பாதுகாக்கப்பட வேண்டும் என்பதே என்னுடைய கருத்துஎன்றார்.

இதற்கிடையே நரேந்திர மோடிக்கு விசா வழங்க முடியாது என்று அமெரிக்கா திட்டவட்டமாக இன்று தெரிவித்துவிட்டது. இதுதொடர்பாக இந்திய அரசின் கோரிக்கையை அமெரிக்கா நிராகரித்து விட்டது.