யுவன்சங்கர் ராஜா- சுஜயா திருமணம் நடந்தது

சென்னை:

இசைஞானி இளையராஜாவின் மகனும் இசையமைப்பாளர் யுவன்ஷங்கர் ராஜா- லண்டனைச் சேர்ந்த சுஜயா சந்திரன் ஆகியோரின்திருமணம் இன்று சென்னையில் நடந்தது.

ராஜா அண்ணாமலைபுரம் ராமநாதன் மண்டபத்தில் நடைபெற்ற இத் திருமணம் ஒரு காதல் திருமணமாகும்.

சுஜயா சந்திரனின் பெற்றோர்கள் லண்டனில் வசிக்கிறார்கள். அவரது தந்தை இலங்கையைச் சேர்ந்தவர், தாயார் மலையாளி.யுவன்- சுஜயா காதல் இரு வீட்டார் சம்மதத்துடன் திருமணத்தில் முடிந்துள்ளது.

திருமண விழாவில் ஏராளமான சினிமா உலக பிரபலங்கள் கலந்து கொண்டனர்.

யுவன்ஷங்கரின் திருமணத்தையொட்டி இன்று காலை மாண்டலின் சீனிவாஸின் இசைக் கச்சேரி நடந்தது. மாலையில் ஹரிஹரனின்கஜல் இசை நிகழ்ச்சியும் நடைபெறுகிறது.