தர்மபுரி: 3 கிராம அதிகாரிகள் சஸ்பெண்ட்

தர்மபுரி:

தர்மபுரி மாவட்டத்தில் 3 கிராம நிர்வாக அதிகாரிகள் சஸ்பெண்ட் செய்யப்பட்டனர்.

தர்மபுரி அரசு மருத்துவமனையில் கடந்த சில தினங்களுக்கு முன் ஒரு பெண் குழந்தை மர்மமான முறையில் இறந்தது. இந்ததகவலை மாவட்ட நிர்வாகத்திற்கு அப்பகுதியை சேர்ந்த கிராம நிர்வாக அதிகாரி பைரவன் உடனடியாக தெரிவிக்கவில்லை.

இதை தொடர்ந்து பைரவனை மாவட்ட வருவாய் அதிகாரி பிரகாசம் சஸ்பெண்ட் செய்து உத்தரவிட்டார்.

இதே போல ஜமாபந்தியின் போது முறையான வருவாய் சான்றிதழை அளிக்காத காரணத்திற்காக செட்டிக்கரை கிராம நிர்வாகஅதிகாரி கணபதியும், கள்ளச்சாராய நடமாட்டம் குறித்து தகவல் தெரிவிக்காத காரணத்திற்காக வெட்ரப்பட்டி கிராம அதிகாரிபழனி வேலும் சஸ்பெண்ட் செய்யப்பட்டனர்.