இங்கிலாந்தில் இன்று நாடாளுமன்றத் தேர்தல்

லண்டன்:

இங்கிலாந்து நாடாளுமன்றத்துக்கு இன்று வாக்குப் பதிவு நடக்கிறது.

பிரதமர் டோனி பிளேரின் தொழிலாளர் கட்சியே மீண்டும் வென்று ஆட்சியைப் பிடிக்கும் என கருத்துக் கணிப்புகள் கூறியுள்ள நிலையில்,நாட்டின் 644 தொகுதிகளிலும் இன்று வாக்குப் பதிவு தொடங்கியது.

மீண்டும் இக் கட்சி வென்றால் பிளேரே மீண்டும் பிரதமராவார். இதன்மூலம் தொடர்ந்து 3 முறை ஆட்சியைப் பிடித்த வரலாற்றுப்பெருமையை பிளேர் பெறுவார். பிளேரின் தொழிலாளர் கட்சிக்கு எதிராக கன்சர்வேட்டிவ் கட்சியும், லிபரல் டெமாக்ரேட் கட்சியும்போட்டியிடுகின்றன.

இராக் போரில் டோனி பிளேருக்கு எதிராக மன நிலையில் இங்கிலாந்து மக்களில் பெரும்பான்மையினர் இருந்தனர். ஆனால், நாட்டின்பொருளாதாரம், வேலை வாய்ப்பு உள்ளிட்ட விஷயங்களில் பிளேரின் ஆட்சிக்கு மக்கள் ஆதரவாகவே உள்ளது.

இங்கிலாந்தில் மொத்தம் 645 தொகுதிகள் உள்ளன. அத்தோடு, 34 மாகாண கவுன்சில்களுக்கும், 4 மேயர் பதவிகளுக்கும் சேர்த்து தேர்தல்நடக்கிறது.

வாக்குப் பதிவு முடிந்து வாக்கு எண்ணிக்கையும் இன்றே தொடங்கவுள்ளது.