காஞ்சிபுரத்தில் இன்று கருணாநிதி பிரசாரம்

காஞ்சிபுரம்:

காஞ்சிபுரம் தொகுதியில் திமுக தலைவர் கருணாநிதி கலந்து கொள்ளும் பிரசாரப் பொதுக் கூட்டம் இன்று நடக்கிறது. இதில்கூட்டணிக் கட்சிகளின் தலைவர்கள் அனைவரும் பங்கேற்கின்றனர்.

காஞ்சிபுரம் மற்றும் கும்மிடிப்பூண்டி தொகுதிகளில் போட்டியிடும் திமக வேட்பாளர்களுக்கு ஆதரவாக திமுக துணைப் பொதுச்செயலாளர் மு.க.ஸ்டாலின் தலைமையில் திமுகவினர் தீவிரப் பிரசாரம் மேற்கொண்டு வருகிறார்கள்.

திமுக கூட்டணியில் உள்ள 7 கட்சிகளின் தலைவர்களும் வேட்பாளர்களுக்காக தீவிரப் பிரசாரத்தில் ஈடுபட்டுள்ளன.

இந் நிலையில் கருணாநிதி இன்று தான் பிரச்சாரத்துக்கு வருகிறார். காஞ்சிபுரத்தில் இன்று சிறிது நேரம் பிரச்சாரம் செய்யும் அவர்,இரவில் பொதுக் கூட்டத்தில் பேசுகிறார். இதற்காக பிரமாண்டமான ஏற்பாடுகள் செய்யப்பட்டுள்ளன.

கச்சபேஸ்வரர் கோவில் அருகே நடக்கும் இந்த பிரசாரக் கூட்டத்தில், ஜி.கே.வாசன், வைகோ, ராமதாஸ், வரதராஜன்,தா.பாண்டியன், ஆர்.எம்.வீரப்பன், ராஜ கண்ணப்பன், டாக்டர் சேதுராமன், வாஹிருல்லா, காதர் மொகைதீன், எஸ்றா சற்குணம்உள்ளிட்ட தலைவர்களும் பேசுகிறார்கள்.

நாளை கும்மிடிப்பூண்டியில் நடைபெறும் பொதுக் கூட்டத்தில் கருணாநிதியும், கூட்டணிக் கட்சித் தலைவர்களும் பேசுகின்றனர்.