விமானப்படை விமான விபத்து: பைலட் பலி

டெல்லி:

உத்திர பிரதேசத்தில் இந்திய விமானப் படைக்கு சொந்தமான விமானம் விபத்துக்குள்ளானதில் அதில் இருந்த பைலட் இறந்தார்.

இந்திய விமானப் படைக்கு சொந்தமான ஜாகுவார் ரக போர் விமானம் உத்திர பிரதேச மாநிலத்திலுள்ள கோரக்பூர் விமானதளத்திலிருந்து இன்று காலை 8.20 மணியளவில் புறப்பட்டு சென்றது. ஆனால் புறப்பட்ட சில நிமிடங்களுக்குள் என்ஜினில்கோளாறு ஏற்பட்டது.

இதனால் அந்த விமானம் நொறுங்கி கீழே விழுந்தது. இதில் விமானத்தில் இருந்த பைலட் இறந்தார். இந்த விபத்து குறித்துவிசாரணைக்கு உத்தரவிடப்பட்டுள்ளதாக விமானப் படை உயரதிகாரி ஒருவர் தெரிவித்தார்.

விபத்தில் பலியான பைலட்டின் பெயர் மற்றும் விபரங்கள் உடனடியாக தெரியவில்லை.