திமுகவின் திமிருக்கு மக்கள் பாடம்: பாஜக

சென்னை:

மத்தியில் ஆட்சிப் பொறுப்பில் உள்ள 12 மத்திய அமைச்சர்கள் மக்களுக்கு செய்த துரோகத்திற்கும், திமுகவின் அகந்தைக்கும்மக்கள் சரியான பாடம் புகட்டியுள்ளார்கள் என்று தமிழக பாஜக தலைவர் ராதாகிருஷ்ணன் கூறியுள்ளார்.

தமிழக இடைத் தேர்தல் முடிவுகள் குறித்து ராதாகிருஷ்ணன் செய்தியாளர்களிடம் பேசுகையில்,

மத்தியில் திமுக உள்ளிட்ட 7 கட்சிக் கூட்டணியின் சார்பில் அமைச்சர்களாக உள்ள 12 பேரும் தமிழக மக்களுக்கு செய்ததுரோகத்திற்கு மக்கள் சரியான பாடம் புகட்டியுள்ளார்கள். ஜெயலலிதா மீதான மக்களின் நம்பிக்கையையே இது காட்டுகிறது.

திமுக தலைமையிலான 7 கட்சிக் கூட்டணிக்கு இது பெரும் அடியாகும். தமிழகத்தைச் சேர்ந்த 12 மத்திய அமைச்சர்களும்மக்களுக்கு ஒன்றுமே செய்யவில்லை.

அறிவிப்புகளை வெளியிட்டார்களே தவிர, வாய் பந்தல் போட்டார்களே தவிர, மக்கள் நன்மைக்காக உருப்படியாக, எதையுமேசெய்யாத காரணத்தால், துரோகம் இழைத்த காரணத்தால், அந்தக் கூட்டணிக்கு தகுந்த பாடத்தை மக்கள் கற்றுக்கொடுத்துள்ளார்கள் என்றார்.