செக்ஸ் டாக்டர் பிரகாசுக்கு ஜாமீன் மறுப்பு

டெல்லி:

செக்ஸ் டாக்டர் பிரகாஷின் ஜாமீன் மனு உச்ச நீதிமன்றத்தில் மீண்டும் தள்ளுபடி செய்யப்பட்டது.

சென்னையைச் சேர்ந்த டாக்டர் பிரகாஷ், இளம் பெண்களை ஆபாசமாக புகைப்படம் எடுத்தும், வீடியோ எடுத்தும் அதைஇன்டர்நெட்டில் வெளியிட்டு விற்று வந்தார். இதையடுத்து 3 ஆண்டுகளுக்கு முன்பு கைது செய்யப்பட்டார். கடந்த 3 வருடமாகசென்னை மத்திய சிறையில் இவர் அடைக்கப்பட்டுள்ளார்.

ஜாமீன் கோரி உயர் நீதிமன்றத்தில் அவர் தாக்கல் செய்த மனுக்கள் பலமுறை தள்ளுபடி செய்யப்பட்டு விட்டன. உச்சநீதிமன்றத்திலும் ஒரு முறை தள்ளுபடி செய்யப்பட்டது.

இந் நிலையில் மீண்டும் ஜாமீன் கோரி உச்ச நீதிமன்றத்தில் மனு செய்தார் பிரகாஷ். இந்த மனுவை நீதிபதிகள் சந்தோஷ் ஹெக்டே,எஸ்.கே.சின்ஹா ஆகியோர் விசாரித்தனர்.

இதுபோன்ற வழக்கில் ஜாமீன் மனுக்களை உச்ச நீதிமன்றம் விசாரிப்பது சரியல்ல. ஜாமீன் கோரி விசாரணை நீதிமன்றத்தில்பிரகாஷ் மனு தாக்கல் செய்யலாம். ஏற்கனவே மனு தாக்கல் செய்திருந்தால், அந்த மனுவை விரைவாக விசாரித்து தீர்ப்பு அளிக்கவேண்டும் என்று உத்தரவிட்டு பிரகாஷின் மனுவை நீதிபதிகள் தள்ளுபடி செய்தனர்.