பெண்களின் நிலை: இந்தியா மோசம்

நியூயார்க்:

இந்தியாவில் கல்வி, வேலை வாய்ப்பு, அரசியல் உட்பட முக்கிய துறைகளில் பெண்களுக்கான வாய்ப்புகள் மிகவும் குறைவாகஇருப்பதாகவும், ஆண்-பெண் பாலின பாகுபாடும் பாரபட்சமும் அதிகமாக உள்ளதாகவும் உலக பொருளாதார மையம்தெரிவித்துள்ளது.

இது தொடர்பாக 58 நாடுகளில் நடத்தப்பட்ட ஆய்வில் இந்தியா 53வது இடத்தில் இருக்கிறது.

உலக பொருளாதார மையத்தின் சார்பில் சமூகத்தில் பெண்களின் நிலை குறித்து சுமார் 58 நாடுகளில் ஆய்வுமேற்கொள்ளப்பட்டது.

வேலை வாய்ப்பு, கல்வி, பொருளாதாரம் உட்பட முக்கிய துறைகளில் பெண்களின் வளர்ச்சி குறித்து ஆய்வுமேற்கொள்ளப்பட்டது. இதில் ஸ்வீடன், நார்வே, ஐஸ்லாந்து, டென்மார்க், பின்லாந்து, நியூஸிலாந்து, கனடா, இங்கிலாந்து,ஜெர்மனி மற்றும் ஆஸ்திரேலியா ஆகிய நாடுகள் முதல் 10 இடங்களைப் பிடித்துள்ளன.

இந்த வரிசையில் இந்தியா 53வது இடத்தை பிடித்துள்ளது. இந்தியாவில் ஆண்,பெண் பாகுபாடு அதிக அளவில் உள்ளது.இந்தியாவை விட மிகவும் பின்தங்கிய நாடான வங்கதேசம் கூட இந்தப் பட்டியலில் இந்தியாவை முந்தி 39வது இடத்தில் உள்ளதுகுறிப்பிடத்தக்கதாகும்.

இந்தியாவில் அரசியலில் தான் பெண்களின் பங்கு அதிகமாக (24வது இடம்) இருக்கிறது. உடல் நலம், பொருளாதாரம், கல்வியில்இந்தியப் பெண்கள் மிகவும் பின் தங்கியுள்ளனர் என ஆய்வு முடிவுகள் தெரிவிக்கின்றன.