மத்திய அமைச்சர் சுனில் தத் மரணம்

மும்பை:

பழம்பெரும் இந்தி நடிகரும், மத்திய அமைச்சருமான சுனில் தத் மும்பையில் இன்று மாரடைப்பால் காலமானார்.

மத்திய விளையாட்டுத் துறை அமைச்சராக இருந்தவர் சுனில் தத் (வயது 75). பிரபல இந்தி நடிகர் சஞ்சய் தத்தின் தந்தையானஇவர், சுமார் 40 வருடங்களாக இந்தித் திரையுலகில் கொடிகட்டிப் பறந்தார்.

பின்னர் காங்கிரஸில் சேர்ந்த சுனில் தத், 1984ம் ஆண்டு மும்பை வடமேற்கு பாராளுமன்ற தொகுதியில் காங்கிரஸ் சார்பில்போட்டியிட்டு முதன் முதலாக வெற்றி பெற்றார். பின்னர் இதே தொகுதியில் 1989 மற்றும் 1991ம் ஆண்டுகளில் போட்டியிட்டுவெற்றி பெற்றார்.

5 முறை எம்.பியாக இருந்த சுனில் தத் ராஜீவ் காந்தியின் நம்பிக்க்ைகு உரியவராக திகழ்ந்தார். இவரது மனைவி தான் மறைந்தபிரபல இந்தி நடிகை நர்கீஸ்.

இவர் கடந்த சில தினங்களாக உடல் நலக்குறைவால் அவதிப்பட்டு வந்தார்.

இந் நிலையில் இன்று காலை மும்பையிலுள்ள அவரது வீட்டில் வைத்து மரணமடைந்தார். தூக்கத்திலேயே அவருக்கு மாரடைப்புஏற்பட்டு உயிர் பிரிந்தது. சுனில் தத்தின் உடல் அடக்கம் இன்று மாலை மும்பையில் நடைபெறும் என்று தெரிகிறது

அவரது மறைவிற்கு பிரதமர் மன்மோகன் சிங், காங்கிரஸ் தலைவர் சோனியா காந்தி மற்றும் தலைவர்கள் இரங்கல்தெரிவித்துள்ளனர்.