மதுரை: துணை மேயரை தாக்கிய அதிமுக கவுன்சிலர்கள்

மதுரை:

மதுரை மாநகராட்சிக் கூட்டத்தில் திமுக துணை மேயரைத் தாக்க அதிமுக கவுன்சிலர்கள் முயன்றதால் பெரும் பரபரப்புஏற்பட்டது.

மதுரை மாநகராட்சியின் சாதாரண கூட்டம் மேயர் செ.ராமச்சந்திரன் தலைமையில் இன்று காலை நடந்தது. அப்போது சென்னைமாநகராட்சிக் கூட்டத்தில் எதிர்க்கட்சித் தலைவர் (திமுக) கலந்து கொள்ளாதது குறித்து, அதிமுக எதிர்க்கட்சித் தலைவர்ஜெயபால் கேள்வி எழுப்பினார்.

இதற்கு திமுக கவுன்சிலர்கள் எதிர்ப்பு தெரிவித்தனர். இதுதொடர்பாக திமுக மற்றும் அதிமுக கவுன்சிலர்களிடையே வாக்குவாதம்ஏற்பட்டது. இதையடுத்து கூட்டத்தை ஒத்திவைத்து விட்டு மேயர் ராமச்சந்திரன் வெளியேறினார்.

இதைத் தொடர்ந்து திமுக, அதிமுக கவுன்சிலர்களிடையிலான வாக்குவாதம் முற்றி அடிதடியாக மாறியது. இந்த அமளியில்துணை மேயர் கெளஸ் பாஷாவை அதிமுக கவுன்சிலர்கள் தாக்க முற்பட்டனர். இதில் அவரது சட்டை கிழிந்தது. இதனால்கூட்டத்தில் பெரும் பரபரப்பு ஏற்பட்டது.

சிறிது நேரத்திற்குப் பிறகு மீண்டும் கூட்டம் தொடங்கியது. அப்போது மதுரையில் மாநகராட்சி சார்பில் கல்லூரி ஒன்றைத்தொடங்க தீர்மானம் நிறைவேற்றப்பட்டது.