• search
For Quick Alerts
ALLOW NOTIFICATIONS  
For Daily Alerts

முத்திரைத் தாள் மோசடி வழக்கு ஒத்திவைப்பு

By Staff
|

சென்னை :

போலி முத்திரைத் தாள் மோசடி வழக்கில் முக்கியக் குற்றவாளியான அப்துல் கரீம் தெல்கி உள்ளிட்ட சிலர்ஆஜராகாததால், வழக்கை பிப்ரவரி 23ம் தேதிக்கு ஒத்திவைத்து சென்னை சிபிஐ நீதிமன்றம் உத்தரவிட்டது.

இந்த வழக்கில் தெல்கி, முகம்மது அலி உள்ளிட்ட 11 பேருக்கு இன்று குற்றப் பத்திரிக்கை நகல் வழங்கப்பட இருந்தது.

இந்தியாவையே உலுக்கிய போலி முத்திரைத்தாள் மோசடி சம்பவம், தமிழகத்திலும் நடந்திருப்பது கடந்த 2003ம் ஆண்டுகண்டுபிடிக்கப்பட்டது. சிபிசிஐடி டிஐஜி முகம்மது அலி உள்ளிட்ட 3 பேர் தமிழகத்தில் இந்த மோசடியை மேற்கொண்டது தெரியவந்து கைது செய்யப்பட்டார்கள்.

முகம்மது அலி தவிர உதவி ஆணையர் சங்கர், எல்.ஐ.சி அதிகாரி ராமசாமி சாஹு உள்ளிட்டோர் கைது செய்யப்பட்டனர்.இவர்களுடன் அப்துல் கரீம் தெல்கி, அவனது தமிழக ஏஜென்ட் நிஜாமுதீன் உள்ளிட்ட 11 பேர் மீது சிபிஐ நீதிமன்றத்தில் வழக்குதொடரப்பட்டது.

இந்த வழக்கில் சமீபத்தில் 3,000 பக்கங்கள் கொண்ட குற்றப் பத்திரிக்கை தாக்கல் செய்யப்பட்டது. இதைத் தொடர்ந்து இன்றுஇவ்வழக்கு மீண்டும் விசாரணைக்கு வந்தது.

இவ்வழக்கு விசாரணைக்கு வரும்போது 11 பேருக்கும் குற்றப் பத்திரிக்கை நகல் வழங்கப்படும் என்றும் இதனால் அனைவரும்தவறாமல் ஆஜராக வேண்டும் என்றும் சிபிஐ நீதிமன்ற நீதிபதி தட்சிணாமூர்த்தி சம்மன்கள் அனுப்பியிருந்தார்.

இதைத் தொடர்ந்து முகம்மது அலி, உதவி ஆணையர் சங்கர், எல்.ஐ.சி அதிகாரி ராமசாமி சாஹு உள்ளிட்டோர்ஆஜராகியிருந்தனர். தெல்கி உள்ளிட்ட 3 பேர் வரவில்லை.

இதுதொடர்பாக சிபிஐ வழக்கறிஞர் ஜேக்கப் டேணியல் நீதிபதியிடம் கூறுகையில், தெல்கி உள்ளிட்டவர்கள் புனேசிறையில் அடைக்கப்பட்டுள்ளனர். எனவே அவர்களை நீதிமன்றத்திற்கு கொண்டு வருவதில் சிக்கல் உள்ளது.

அடுத்த முறை வழக்கு விசாரணைக்கு வரும்போது வீடியோ கான்பரன்சிங் மூலம் அவர்களிடம் விசாரணை நடத்தஏற்பாடு செய்யப்பட்டுள்ளது. எனவே வழக்கை வேறு தேதிக்கு ஒத்திவைக்க வேண்டும் என்று கோரினார்.

இந்தக் கோரிக்கையை ஏற்ற நீதிபதி தட்சிணாமூர்த்தி வழக்கை பிப்ரவரி 23ம் தேதிக்கு ஒத்திவைத்தார். அன்றையதினம் தெல்கி உள்ளிட்டவர்களிடம் வீடியோ கான்பரன்சிங் மூலம் விசாரணை நடத்தப்படும் என்றும் தெரிவித்தார்.

ஏற்கனவே போலி முத்திரைத் தாள் வழக்கில், மும்பை நீதிமன்றம் தெல்கிக்கு 10 ஆண்டு கடுங்காவல் தண்டனை விதித்துள்ளதுநினைவிருக்கலாம்.

Mail this to a friend  Post your feedback  Print this page 

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் பதிவு இலவசம்!

 
 
 
உடனடி நியூஸ் அப்டேட்டுகள்
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more