தைப்பூசம்: பழநியில் 5ம் தேதி கொடியேற்றம்

பழநி:

பழநி தைப்பூசத் திருவிழா வரும் 5ம் தேதி கொடியேற்றத்துடன் துவங்குகிறது.

பழநியில் நடக்கும் திருவிழாக்களில் தைப்பூச திருவிழா முக்கியமான ஒன்றாகும். தைப்பூச விழாவை முன்னிட்டு மதுரை,விருதுநகர், ராமநாதபுரம், சிவகங்கை, காரைக்குடி, தேனி, கம்பம், ஈரோடு, கோவை ஆகிய ஊர்களில் இருந்து பாதயாத்திரையாக பழநிக்கு பக்தர்கள் வந்த வண்ணம் உள்ளனர்.

தைப்பூசத்தை முன்னிட்டு பெரியநாயகி அம்மன் கோயிலில் வரும் 5ம்தேதி கொடியேற்றம் நடக்கிறது. பிப்ரவரி 7, 8, 9 ஆகியதேதிகளில் தந்தப் பல்லக்கிலும், சிறப்பு வாகனங்களிலும் சுவாமி வீதி உலா வருகிறார்.

பிப்ரவரி 10ம் தேதி மாலை வள்ளி, தெய்வானை திருக்கல்யாணமும், மறுநாள் தைப்பூசத்தன்று மாலை தேரோட்டமும் நடக்கிறது.இதற்கான ஏற்பாடுகளை கோயில் இணை கமிஷனர் த.சுந்தரம் செய்து வருகிறார்.