அதிமுக பிரச்சாரத்துக்கு ரோஜா, மும்தாஜ்!

சென்னை:

அதிமுக கூட்டணிக்காக பிரச்சாரம் செய்ய தெலுங்கு தேசம் கட்சித் தலைவர் சந்திரபாபு நாயுடும் அவரதுகட்சியின் ஸ்டார் பிரச்சாரினியான நடிகை ரோஜாவும் தமிழகம் வரவுள்ளனர்.

அதே போல சமாஜ்வாடிக் கட்சியின் தலைவரும் உத்திரப் பிரதேச முதல்வருமான முலாயம் சிங் யாதவும்வருவார் என்று தெரிகிறது.

தெலுங்கு பேசும் மக்கள் அதிகம் வசிக்கும் பகுதிகளில் நாயுடு பிரச்சாரம் செய்வார் என்று தெரிகிறது. ரோஜாசென்னை, வேலூர் உள்ளிட்ட மாவட்டங்களில் பிரச்சாரம் செய்வாராம்.

இப்போது ரோஜா நான்கு மாத கர்ப்பம் என்பது குறிப்பிடத்தக்கது.

இதற்கிடையே சிம்ரன், விந்தியா, கோவை சரளா, பிந்து கோஷின் வரிசையில் மேலும் சில நடிகைகளுக்குஅதிமுக தரப்பில் இருந்து வலை வீசப்பட்டு வருகிறது. அதில் மும்தாஜும் அடக்கம். விரைவில் அதிமுகவுக்காகபிரச்சாரக் களத்தில் மும்தாஜ் தொபுக்கடீர் என குதிக்க வாய்ப்புள்ளதாகத் தெரிகிறது.

பாஜக கூட்டணிக்காக பிரச்சாரம் செய்ய மாஜி பிரதமர் வாஜ்பாய், தலைவர்கள் அத்வானி, சுஷ்மா சுவராஜ்உள்ளிட்டோர் வரவுள்ளனர். கடந்த தேர்தலில் பாஜகவுக்காக கர்நாடகத்தைச் சேர்ந்த கெளதமி பிரச்சாரம்செய்தார்.

இம்முறை பிரச்சாரத்துக்குக் கூப்பிட்டார்களாம். ஆனால், கமலின் மேற்பார்வையில் இருக்கும் கெளதமி நோசொல்லிவிட்டார் என்கிறார்கள்.

இதற்கிடையே திமுக கூட்டணிக்காக பிரச்சாரம் செய்ய காங்கிரஸ் தலைவி சோனியா காந்தி, ராகுல் காந்தி,பிரமதர் மன்மோகன் சிங் ஆகியோர் வருகின்றனர்.