கேப்டன் மீது பசுநேசன் பாய்ச்சல்

சென்னை:

கட்சி ஆரம்பித்து 6 மாதத்திற்குள் ஆட்சியைப் பிடிக்க விஜயகாந்த் அலை பாய்வது நியாயமே இல்லை, அதுகண்டனத்துக்குரியது என்று நடிகர் ராமராஜன் கூறியுள்ளார்.

அதிமுகவில் மீண்டும் சுறுசுறுப்பாக களம் இறங்கியுள்ள நளினியின் முன்னாள் வூட்டுக்காரரன நடிகர் ராமராஜன்.

வில்லிவாக்கம் தொகுதி ஐ.என்.டி.யூ.சி. வேட்பாளர் காளனை ஆதரித்து அவர் அம்பத்தூரில் பிரசாரம் செய்தார்.அப்போது பேசுகையில்,

விஜயகாந்த் கட்சி ஆரம்பித்து 6 மாதம்தான் ஆகிறது. அதற்குள் ஆட்சியைப் பிடிக்க, முதல்வர் பதவியில் அமரஅவர் அலை பாய்கிறார். இது நியாயமா? கண்டனத்துக்குரிய செயல் இது.

கருப்பு எம்.ஜி.ஆர். என்று அவரை வர்ணிக்கிறார்கள். எம்.ஜி.ஆர். ஒருவர்தான். கருப்பு, பச்சை, சிவப்புஎன்றெல்லாம் கிடையாது. எம்.ஜி.ஆரின் ஒரே வாரிசு ஜெயலலிதா மட்டுமே.

தமிழகம் முழுவதும் ஜெயலலிதாவுக்கு ஆதரவான அலை வீசுகிறது. எனவே அடுத்த முதல்வர் ஜெயலலிதாதான்.இதை யாராலும் மாற்ற முடியாது என்றார் ராமராஜன்.