மயிலாடுதுறையில் டி.ராஜேந்தர் போட்டி

சென்னை:

இயக்குனர் விஜய டி.ராஜேந்தரின் லட்சிய திமுக 11 தொகுதிகளில் போட்டியிடுகிறது.ராஜேந்தர் தனது சொந்த ஊரான மயிலாடுதுறையில் போட்டியிடுகிறார்.

அதிமுக கூட்டணியில் கெளரவமான இடங்களை எதிர்பார்த்த ராஜேந்தர் அங்குகெளரவத்துக்கு பெரும் பங்கம் ஏற்பட்டதால் (ஒரு சீட் கூட கிடைக்காததால்)அங்கிருந்து விலகி சுயேச்சையாகப் போட்டியிடப் போவதாக அறிவித்தார்.

அவரை இழுக்க திமுக முயன்றது. எத்தனை சீட் தருவீங்க என்று டி.ராஜேந்தர்கேட்கவே, தங்களுக்கு பங்கம் ஏதும் வந்துவிடக் கூடாது என்று நினைத்தோஎன்னவோ திமுக திரும்பி ஓடிவிட்டது.

இந் நிலையில் தற்போது தனது கட்சி 11 தொகுதிகளில் போட்டியிடும் என ராஜேந்தர்அறிவித்துள்ளார்.

இதன்படி மயிலாடுதுறையில் ராஜேந்தர் போட்டியிடவுள்ளார்.

திருப்பரங்குன்றம், பேரூர் உள்ளிட்ட மற்ற 10 தொகுதிகளுக்கானவேட்பாளர்களையும் அவர் அறிவித்துள்ளார்.