டி.ஆர். கட்சியின் வேட்பாளர் பட்டியல்

சென்னை:

இயக்குனர் விஜய டி.ராஜேந்தரின் லட்சிய திமுக சார்பில் போட்டியிடும் 11வேட்பாளர்களின் பட்டியல் வெளியிடப்பட்டுள்ளது.

அதிமுக கூட்டணியில் இடம் பெற முடியாமல் வெளியேறியுள்ள ராஜேந்தர் தனித்துப்போட்டியிடப் போவதாக அறிவித்திருந்தார். தற்போது தனது கட்சி 11 தொகுதிகளில்போட்டியிடும் என அறிவித்துள்ளார்.

அதன்படி அவர் மயிலாடுதுறை தொகுதியில் போட்டியிடுகிறார். மற்ற 10வேட்பாளர்களின்பெயர்களையும் அவர் அறிவித்துள்ளார்.

திருப்பரங்குன்றம் - ஃபென்னர் பரமன்

பேரூர் - தங்கவேலு

பெருந்துறை - பழனிச்சாமி

செய்யாறு - முருகேசன்

அரியலூர் - சந்திரசேகர்

ஸ்ரீவில்லிபுத்தூர் - கார்மேகராஜன்

திருவாடானை - மைக்கேல்

சேடப்பட்டி - தாமோதரன்

செங்கல்பட்டு - பிரகாஷ் பாபு

பின்னர் ராஜேந்தர் செய்தியாளர்களிடம் பேசுகையில், இந்தத் தேர்தல் எங்களுக்குபயிற்சி முகாமாகவும், முயற்சி முகாமாகவும் இருக்கும்.

எங்களது தனித்தன்மையைக் காட்ட இந்த தேர்தல் மூலம் முதல் அடியை எடுத்துவைக்கிறோம்.

நான் மயிலாடுதுறையில் போட்டியிடுகிறேன். நான் பிறந்தது, பள்ளியில் படித்தது,கலலூரியில் படித்தது எல்லாமே அங்குதான்.

நான் படித்த கல்லூரியில்தான் எனது முதல் படமான ஒரு தலை ராகத்தை எடுத்தேன்.

நாங்கள் தேவையில்லை என்று அதிமுகவில் எங்களை ஒதுக்கி விட்டார்கள். எனவேலட்சிய திமுகவின் தனித்தன்மையை காட்டவும், சுய மரியாதையை விட்டுக் கொடுக்ககூடாது என்பதற்காகவும் இந்த தேர்தலில் போட்டியிடுகிறோம்.

விஜயகாந்த் எல்லாத் தொகுதிகளிலும் போட்டியிடுகிறார் என்பதற்காக நானும்எல்லாத் தொகுதியிலும் போட்டியிட வேண்டும் என்று அர்த்தம் அல்ல. நான் எம்.ஏ.அரசியல் படித்து விட்டுத்தான் அரசியலுக்கு வந்தேன் என்றார் ராஜேந்தர்.