பர்னாலாவுக்கு 5 ஆண்டு பதவி நீட்டிப்பு

டெல்லி:

தமிழக ஆளுனர் பர்னாலாவின் பதவிக்காலம் மேலும் 5 ஆண்டுகளுக்குநீட்டிக்கப்பட்டுள்ளது. இதுதொடர்பான உத்தரவை குடியரசுத் தலைவர் மாளிகைவெளியிட்டுள்ளது.

தமிழக ஆளுனராக 2வது முறையாக பதவி வகித்து வருகிறார் பர்னாலா. முதலில் 3ஆண்டுகளுக்கு ஆளுநராக நியமிக்கப்பட்ட பர்னாலாவின் பதவிக் காலம் சட்டசபைத்தேர்தலையொட்டி முடிவடைய இருந்தது.

இதையடுத்து அவரது பதவி தாற்காலிகமாக நீட்டிக்கப்பட்டிருந்தது.

இந் நிலையில் பர்னாலாவே ஆளுநராக நீடிக்க வேண்டும் என காங்கிரஸ் தலைவர்சோனியா காந்தியிடமும் பிரதமரிடமும் கருணாநிதி வலியுறுத்தினார்.

இதையடுத்து பர்னாலாவின் பதவிக்காலத்தை மேலும் 5 ஆண்டுகளுக்கு நீட்டித்துமத்திய அரசு, குடியரசுத் தலைவருக்குப் பரிந்துரை செய்தது.

இந்த பரிந்துரையை குடியரசுத் தலைவர் அப்துல் கலாம் ஏற்றுக் கொண்டுவிட்டார்.இதைத் தொடர்ந்து பர்னாலா பதவி நீட்டிப்பு தொடர்பான அதிகாரப்பூர்வ அறிவிப்பைகுடியரசுத் தலைவர் மாளிகை வெளியிட்டுள்ளது.