இஸ்லாமிய தமிழ் தொலைக்காட்சி தொடக்கம்

துபாய்:

ஜக்கிய அரபு குடியரசில் முதல் இஸ்லாமிய கிரஸெண்ட் டிவி என்ற தமிழ்த் தொலைக் காட்சிதொடங்கப்பட்டுள்ளது.

இந்த தொடக்க விழா எவரெஸ்ட் இண்டர்நேஷனல் ஹோட்டலில் கிரஸெண்ட் டிவி இயக்குநர் காயல் இளவரசுதலைமையில் நடைபெற்றது.

கிரஸெண்ட் டிவியின் முதல் ஒளிபரப்பை இடிஏ அஸ்கான் குழுமத்தின் மேலாண்மை இயக்குனரும், துபாய்ஈமான் அமைப்பின் தலைவருமான அல்ஹாஜ் சையத் எம் ஸலாஹூத்தீன் துவக்கி வைத்தார்.

சென்னையைத் தலைமையிடமாகக் கொண்டு இயங்கும் இந்தத் தொலைக்காட்சி சிங்கப்பூரிலிருந்து தனதுசேவையினைச் செய்து வருகிறது.

இந்தியா, வளைகுடா மற்றும் ஐரோப்பா உள்ளிட்ட பகுதிகளில் இத் தொலைக்காட்சி ஒளிபரப்பைக் காணலாம்என இதன் இயக்குனர் காயல் இளவரசு தெரிவித்தார். உலகில் முதல் முதலாக ஒளிபரப்பாகும் இஸ்லாமிய தமிழ்தொலைக்காட்சி இது என்பது குறிப்பிடதக்கது.

இந் நிகழ்ச்சியில் ஈமான் அமைப்பின் துணைத்தலைவர் அல்ஹாஜ் எம் அப்துல் ரஹ்மான், பொதுச்செயலாளர்குத்தாலம் ஏ லியாக்கத் அலி, ஏ.மஹம்மது தாஹா, எஃப்எம் அன்வர் பாஷா, செல்வி தொலைக்காட்சி தொடர்புகழ் பாலா, தேனிசைத் தென்றல் தேரிழந்தூர் தாஜூதீன் பைஜி, தென்றல் டிவி இயக்குனர் சாதிக் உள்ளிட்டோர்கலந்து கொண்டனர்.