போர்ச்சுகலை வீழ்த்தியது பிரான்ஸ்: இறுதிபோட்டியில் இத்தாலியுடன் மோதல்!

மியூனிக்:

உலகக் கோப்பைக் கால்பந்துப் போட்டியின் 2வது அரை இறுதி ஆட்டத்தில்போர்ச்சுகல் அணியை பிரான்ஸ் 1-0 என்ற கோல் கணக்கில் வீழ்த்தி இறுதிப்போட்டிக்குள் நுழைந்துள்ளது.

பரபரப்பான முதல் அரை இறுதிப் போட்டியில் வலுவான ஜெர்மனியை 2-0 என்றகோல் கணக்கில் இத்தாலி அணி அபாரமாக தோற்கடித்து இறுதிப் போட்டிக்குஏற்கனவே தகுதி பெற்றுள்ளது.

இந் நிலையில் மியூனிக் நகரில் நேற்று இரவு நடந்த இரண்டாவது அரை இறுதிப்போட்டியில் மிக வலுவான பிரான்ஸ் அணியை, தன்னம்பிக்கையுடன் எதிர்கொண்டதுபோர்ச்சுகல்.

ஆட்டம் தொடங்கியது முதலே இரு அணிகளும் கடும் பலப்பரிட்சையைமேற்கொண்டன. பிரான்ஸ் அணியின் கோல் அடிப்பு முயற்சிகளை போர்ச்சுகல்வீரர்கள் திறமையாக சமாளித்தனர்.

இந் நிலையில் ஆட்டத்தின் 33வது நிமிடத்தில் பிரான்ஸ் அணிக்கு பெனால்டிவாய்ப்பு கிடைத்தது. பிரான்ஸ் வீரர் தியரி ஹென்றியை, போர்ச்சுகல் வீரர் ரிக்கார்டோகார்வாலோ கீழே தள்ளியதால் இந்த பெனால்டி பிரான்ஸுக்குக் கிடைத்தது.

இந்த ஷாட்டை பிரான்ஸ் அணியின் கேப்டனும், நட்சத்திர வீரருமான ஸினடின்ஜிடேன் அற்புதமாக அடித்து கோல் ஆக்கி அணிக்கு முன்னிலை தேடிக் கொடுத்தார்.அதன் பின்னர் ஆட்ட நேர முடிவு வரை இரு அணியினராலும் கோல் ஏதும் அடிக்கமுடியவில்லை.

இதனால் 1-0 என்ற கோல் கணக்கில் பிரான்ஸ் வெற்றி பெற்று இறுதிப் போட்டிக்குள்நுழைந்தது.

ஜிடேன் போட்ட கோலால் பிரான்ஸ் அணிக்கு வெற்றி கிடைத்தது மட்டுமின்றி,ஜிடேன் குறித்து நிலவிய பல்வேறு விமர்சனங்களுக்கு முற்றுப் புள்ளி வைப்பதாகவும்அமைந்தது.

இந்த உலகப் போட்டியுடன் ஜிடேன் கால்பந்துப் போட்டிகளிலிருந்து ஓய்வுபெறவுள்ளார்.

இறுதிப் போட்டியில் வலுவான இத்தாலியை பிரான்ஸ் சந்திக்கிறது.

இந்தப் போட்டி வரும் 9ம் தேதி பெர்லின் ஒலிம்பியா ஸ்டேடியத்தில் நடைபெறுகிறது.இத்தாலியும், பிரான்ஸும் தொடர்பான செய்திகள்பு பல்வேறு போட்டிகளின் இறுதி ஆட்டத்தில்சந்தித்துள்ளன.

2000மாவது ஆண்டு நடந்த ஈரோ கோப்பைப் போட்டியில் 2-1 என்ற கணக்கில்இத்தாலியை பிரான்ஸ் வீழ்த்தி கோப்பையைத் தட்டிச் சென்றது.

இதேபோல கடந்த 1998ம் ஆண்டு உலகக் கோப்பை காலிறுதிப் போட்டியில்இத்தாலியை, பிரான்ஸ் வீழ்த்தியது. இவற்றிற்கெல்லாம் சேர்த்து 9ம் தேதிநடைபெறவுள்ள இறுதிப் போட்டியில் பழி தீர்க்க இத்தாலி கடுமையாக முயற்சிக்கும்என்று ரசிகர்கள் எதிர்பார்க்கிறார்கள்.

வரும் 8ம் தேதி 3வது மற்றும் 4வது இடத்தை நிர்ணயம் செய்யும் போட்டிநடைபெறுகிறது. இதில் ஜெர்மனியும், போர்ச்சுகலும் மோதுகின்றன.