டெஸ்ட் தர வரிசை: 4ல் இந்தியா- 2ல் பாக்.

துபாய்:

டெஸ்ட் கிரிக்கெட் தர வரிசையில் பாகிஸ்தான் 2வது இடத்துக்கு முன்னேறியுள்ளது.இந்தியா 4வது இடத்திற்குத் தள்ளப்பட்டுள்ளது.

சர்வதேச கிரிக்கெட் கவுன்சிலின் டெஸ்ட் தர வரிசைப் பட்டியல்வெளியிடப்பட்டுள்ளது. இதில் வழக்கம் போல ஆஸ்திரேலியா முதலிடத்தைப்பிடித்துள்ளது. 130 புள்ளிகளை இந்த அணி பெற்றுள்ளது.

2வது இடத்தில் இருந்த இங்கிலாந்தை பின் தள்ளிவிட்டு அந்த இடத்தை பாகிஸ்தான்பிடித்துள்ளது.

இங்கிலாந்து, இந்தியா மற்றும் இலங்கைக்கு எதிரான டெஸ்ட் தொடர்களைவென்றதன் மூலம் 2வது இடத்திறகு பாகிஸ்தான் முன்னேறியுள்ளது.

இங்கிலாந்துக்கு எதிரான டெஸ்ட் போட்டியில் பாகிஸ்தான் தற்போதுவிளையாடவுள்ளது. இதிலும் வென்றால் ஆஸ்திரேலியாவுக்கு மிக அருகில்பாகிஸ்தான் வந்து விடும்.

இங்கிலாந்து 3வது இடத்திலும், இந்தியா 4வது இடத்திலும் உள்ளன. இலங்கைக்கு5வது இடம் கிடைத்துள்ளது. அதற்கடுத்து இடங்களில் தென் ஆப்பிரிக்கா,நியூசிலாந்து, மேற்கு இந்தியத் தீவுகள், ஜிம்பாப்வே, பங்களாதேஷ் ஆகியவைஉள்ளன.

பாண்டிங் முதலிடம்- திராவிட் 2வது இடம்:

பேட்ஸ்மேன்கள் வரிசையில் ஆஸ்திரேலியாவின் ரிக்கி பாண்டிங் முதலிடத்தில்உள்ளார். இந்திய கேப்டன் ராகுல் டிராவிட் 2வது இடத்திலும், தென் ஆப்பிரிக்காவின்ஜேக்கஸ் காலிஸ் 3வது இடத்திலும் உள்ளனர்.

முதல் பத்து இடங்களில் டிராவிட்டைத் தவிர வேறு எந்த இந்திய வீரரும் இல்லை.பிரையன் லாரா 10வது இடத்திற்குத் தள்ளப்பட்டுள்ளார்.

முத்தையா-அனில்:

பந்து வீச்சாளர்கள் வரிசையில் இலங்கையின் முத்தையா முரளீதரன் முதலிடத்தில்உள்ளார். இந்தியாவின் அணில் கும்ப்ளேவுக்கு 8வது இடம் கிடைத்துள்ளது.

சிறந்த ஆல்ரவுண்டர்கள் வரிசையில் முதல் ஐந்து இடங்களில் எந்த இந்திய வீரரும் இல்லை. காலிஸ் முதலிடத்தைப் பிடித்துள்ளார்.