சனிக்கிழமை முதல் சத்துணவில் வாரம் 2 முட்டை

சென்னை:

பள்ளிக் குழந்தைகளுக்கு சத்துணவுடன் வாரம் இரு முறை முட்டை வழங்கும் திட்டம்காமராஜர் பிறந்த தினமான வரும் சனிக்கிழமை முதல் தொடங்குகிறது.

பள்ளிக் குழந்தைகளுக்கு சத்துணவுடன் வாரம் இருமுறை முட்டை வழங்கும்திட்டத்தை தமிழக முதல்வர் கருணாநிதி அறிவித்தார். கல்விக் கண் திறந்த காமராஜர்பிறந்த தினமான ஜூலை 15ம் தேதி முதல் இத்திட்டம் நடைமுறைக்கு வரும் எனஅறிவிக்கப்பட்டிருந்தது.

அதன்படி வருகிற சனிக்கிழமை இத்திட்டத்தை கருணாநிதி சென்னையில் தொடங்கிவைக்கிறார்.

கருணாநியின் தொகுதியான சேப்பாக்கம் பார்த்தசாரதி தெரு மாநகராட்சி நடுநிலைப்பள்ளியில் இத் திட்டத்தை தொடங்கி வைக்கிறார்.

பிற மாவட்டங்களில் அமைச்சர்கள் திட்டத்தைத் தொடங்கி வைக்கின்றனர். அதன்பின்னர் திங்கள் மற்றும் வியாழக்கிழமைகளில் சத்துணவுடன் முட்டை வழங்கப்படும்.