சிலுவையோடு உலகை சுற்றும் அமெரிக்கர் தமிழகம் வருகை

கன்னியாகுமரி:

21 ஆண்டுகளாக 60 கிலோ எடையுள்ள சிலுவையை தோளில் சுமந்து கொண்டு உலகை வலம் வரும்அமெரிக்கர் கன்னியாகுமரி வந்துள்ளார்.

அமெரிக்காவைச் சேர்ந்த கீத் செரிவீலர் (44). இவர் கடந்த 1985ம் ஆண்டு தனது பயணத்தை துவக்கினார்.உலகில் தீவிரவாதம் தலை தூக்கக் கூடாது. அனைவரும் ஒற்றுமையுடன் வாழ வேண்டும். மனித நேயம் மலரவேண்டும் என்ற கொள்கையை வலியுறுத்தி, தனது பயணத்தை துங்கிய அவர், ஜப்பான், கனடா, ஓமன்,இலங்கை உள்பட 16 நாடுகளில் தனது பயணத்தை முடித்துவிட்டு இப்போது இந்தியாவை வலம் வருகிறார்.

6 அடி அகலம், 12 அடி நீளமும், 60 கிலோ எடையும் கொண்ட சிலுவையை தன் தோளில் சுமந்து தினமும் 30கி.மீ பயணம் செய்கிறார்.