அப்துல் கலாமுக்கு இ-மெயிலில் கொலை மிரட்டல்

டெல்லி:

குடியரசுத் தலைவர் அப்துல் கலாமுக்கு இ-மெயில் மூலம் கொலை மிரட்டல் விடுக்கப்பட்டுள்ளது. அதைஅனுப்பியவர் யார் என்பதைக் கண்டறிய போலீஸார் தீவிர விசாரணை மேற்கொண்டுள்ளனர்.

குடியரசுத் தலைவரின் அதிகாரப்பூர்வமான இணையதளத்திற்கு யாஹூ மெயில் இணையதளத்திலிருந்து இந்தமிரட்டல் மெயில் புதன்கிழமை மாலை அனுப்பப்பட்டுள்ளது. இந்த மெயிலைப் படித்த அதிகாரிகள் உடனடியாகபோலீஸாருக்குத் தகவல் தெரிவித்தனர்.

அது கொலை மிரட்டல் மெயில் என்று மட்டும் அதிகாரிகள் தெரிவித்துள்ளனர். இதைத் தொடர்ந்து எந்தகம்ப்யூட்டரிலிருந்து அது அனுப்பப்பட்டது. அனுப்பியது யார் என்பதைக் கண்டறியும் முயற்சியில் போலீஸார்தீவிரமாக இறங்கியுள்ளனர்.

இந்த மெயில் போலியான மிரட்டல் மெயிலாக இருக்கக் கூடும் எனத் தெரிகிறது. மும்பை குண்டுவெடிப்புக்குப்பின்னர் இப்படி பல மெயில்கள் பலருக்கும் வந்து கொண்டிருக்கின்றன.

சமீபத்தில் மத்திய பிரதேசத்தைச் சேர்ந்த சுமித் தம்ராகர் என்ற இளைஞர் தன்னை சிமி அமைப்பின் தலைவர்என்று கூறிக் கொண்டு வெடிகுண்டு மிரட்டல் அனுப்பியிருந்தார். இப்போது போலீஸ் பிடியில் உள்ளார்.