இலங்கை டூர்: மீண்டும் சச்சினுக்கு இடம்

டெல்லி:

இலங்கை செல்லும் இந்திய ஒரு நாள் கிரிக்கெட் அணியில் சச்சின் டெண்டுல்கருக்கு இடம்கொடுக்கப்பட்டுள்ளது. நன்றாகப் பந்து வீசும் அணில் கும்ப்ளேவை வழக்கம் போல வெளியேற்றியுள்ளனர்.

கடந்த பல மாதங்களாகவே சரியாக விளையாடாமல் உள்ள சச்சின் டெண்டுல்கருக்கு தோள்பட்டை வலியும்தொடர்ந்து தொல்லை தந்து வருகிறது. இதனால் அவரால் முன்பு போல அடித்துத் தூள் கிளப்ப முடியவில்லை.

அவருக்கு நல்ல ஓய்வும் கொடுக்காமல், வலி லேசாக சரியானவுடன் அணியில் சேர்த்து மறுபடியும், மறுபடியும்அவரது தோள் பட்டையை சேதப்படுத்தி வருகிறது இந்திய கிரிக்கெட் வாரியம்.

சமீபத்தில் நடந்த மேற்கு இந்தியத் தொடரில் சச்சின் கலந்து கொள்ளவில்லை. அப்போது அவருக்கு லண்டனில்அறுவைச் சிகிச்சை நடந்தது. அது முடிந்து ஓய்வில் இருந்து வந்த அவர் சமீபத்தில் பயிற்சியை ஆரம்பித்தார்.லண்டனில் நடந்த சில போட்டிககளில் கலந்து கொண்டு சதங்களாக அடித்துத் தள்ளினார்.

இதையடுத்து இந்திய கிரிக்கெட் அணியின் உடற் பயிற்சியாளரும் மருத்துவர்களும் அவருக்கு சோதனை நடத்திஉடல் நலம் சிறப்பாக இருப்பதாகவும், இலங்கைத் தொடரில் அவர் விளையாடலாம் சான்றிதழ் கொடுத்தனர்.

இந் நிலையில் நேற்று இலங்கை செல்லும் ஒரு நாள் கிரிக்கெட் அணியின் வீரர்கள் தேர்வு நடந்தது. அதில்தேர்வுக் குழுத் தலைவர் கிரண் மோரே தலைமையிலான தேர்வுக் குழுவினர், கேப்டன் ராகுல் டிராவிட் ஆகியோர்கலந்து கொண்டனர்.

பின்னர் வீரர்கள் பட்டியலை தேர்வுக் குழுத் தலைவர் கிரண் மோரே வெளியிட்டார். அதன்படி சச்சின்டெண்டுல்கருக்கு மீண்டும் அணியில் இடம் தரப்பட்டுள்ளது. அவர் தவிர வீரேந்திர ஷேவாக் உள்ளிட்ட பலமுன்னணி வீரர்களுக்கு மீண்டும் இடம் கிடைத்துள்ளது. புதிதாதக யாரும் இடம் பெறவில்லை.

சீனியர் வீரரான கும்ப்ளே நீக்கப்பட்டுள்ளார். சமீப காலமாக அவரை ஒரு நாள் போட்டிகளில் சேர்க்காமல்கிரிக்கெட் வாரியம் விளையாடி வருகிறது. டெஸ்ட் போட்டிகளில் விக்கெட்டுக்களை அள்ளுவதோடு அணிக்குவெற்றியையும் பெற்றுத் தருகிறார் கும்ப்ளே.

ஆனால் அவரை ஒரு நாள் போட்டிகளில் மட்டும் சேர்க்காமல் பிடிவாதமாக உள்ளது கிரிக்கெட் வாரியம்.

ரொம்ப நாட்களாக அணியில் இடம் பெறாமல் இருந்து வந்த திணேஷ் மோங்கியா மீண்டும் திரும்பியுள்ளார்.மற்றபடிமுரளி கார்த்திக், திணேஷ் கார்த்திக் போன்ற தமிழக வீரர்களையும் தேர்வுக்குழு கண்டுகொள்ளவில்லை.வழக்கம்போல மறந்து விட்டது.

இலங்கை செல்லும் இந்திய அணி அங்கு இலங்கை, தென்னாப்பிரிக்கா ஆகிய அணிகள் கலந்து கொள்ளும்முத்தரப்பு ஒரு நாள் தொடரில் விளையாடு".

இந்திய அணியின் விவரம்: ராகுல் டிராவிட், வீரேந்திர ஷேவாக், சச்சின் டெண்டுல்கர், முகம்மது கைப், யுவராஜ்சிங், மகேந்திர சிங் தோணி, ஸ்ரீசாந்த், அஜீத் அகர்கர், ரமேஷ் பவார், சுரேஷ் ரெய்னா, இர்பான் பதான், முனாப்படேல், தினேஷ் மோங்கியா, ஆர்.பி.சிங், ஹர்பஜன் சிங்.