சிவாஜி சிலை இன்று திறப்பு: ரஜினி, கமல்பங்கேற்பு-சிலைகள் மயமாகும் மெரீனா!

சென்னை:

நடிகர் திலகம் சிவாஜி கணேசன் சிலை இன்று கடற்கரை காமராஜர் சாலையில் திறந்து வைக்கப்படுகிறது. முதல்வர்கருணாநிதி சிலையைத் திறந்து வைக்கிறார். நிகழ்ச்சியில் ரஜினிகாந்த், கமல்ஹாசன் உள்ளிட்ட திரையுலகினர்அனைவரும் பங்கேற்கிறார்கள்.

நடிகர் திலகம் சிவாஜி கணேசனின் 8 அடி உயர வெண்கச் சிலையை தமிழக அரசு தயாரித்துள்ளது. இந்தச் சிலை,சென்னை மெரீனா கடற்கரை, காமராஜர் சாலை - ராதாகிருஷ்ணன் சாலை சந்திப்பில் காந்தி சிலைக்கு எதிரேநிறுவப்பட்டுள்ளது.

சிலையை இந்த இடத்தில் வைப்பதை எதிர்த்துத் தொடரப்பட்ட வழக்கில், சிலையை நிறுவத் தடை இல்லை என்றுஉயர்நீதிமன்றம் தெரிவித்தது. இதையடுத்து திட்டமிட்டபடி இன்று சிலை திறப்பு நடைபெறுகிறது. இன்று சிவாஜிகணேசனின் நினைவு தினம் என்பது குறிப்பிடத்தக்கது.

மாலை 6.30 மணிக்கு முதல்வர் கருணாநிதி சிலையைத் திறந்து வைக்கிறார். நிகழ்ச்சியில் அமைச்சர்கள்,எம்.எல்.ஏக்கள், எம்.பிக்கள் உள்ளிட்டோர் பங்கேற்கின்றனர்.

ரஜினிகாந்த், கமல்ஹாசன், விக்ரம், விஜய் உள்ளிட்ட திரையுலக பிரபலங்களும் கலந்து கொள்ளவுள்ளனர்.அனைத்து நடிகர், நடிகைகளும் கண்டிப்பாக விழாவுக்கு வர வேண்டும் என்று கேட்டுக்கொள்ளப்பட்டுள்ளார்களாம்.

இருப்பினும் விஜயகாந்த், சரத்குமார் மற்றும் அதிமுக நடிகர்கள், நடிகைகள் வருவார்களா என்பது உறுதியாகத்தெரியவில்லை.சிவாஜி கணேசனின் துணைவியார் கமலா அம்மாள், சிவாஜி மறைவுக்குப் பின்னர் எந்த பொதுநிகழ்ச்சியிலும் கலந்து கொள்ளாமல் இருந்து வந்தார்.

இப்போது முதல் முறையாக சிவாஜி சிலை திறப்பு விழாவில் அவர் கலந்து கொள்ளவுள்ளார். நிகழ்ச்சியில்சிவாஜி நடித்த பல வரலாற்றுத் திரைப்படங்களிலிருந்து எடுக்கப்பட்ட காட்சிகளின் தொகுப்பும்திரையிடப்பட்டவுள்ளது.

இதற்காக பிரமாண்டத் திரை கடற்கரையில் அமைக்கப்பட்டுள்ளது. விழா தொடங்குவதற்கு ஒரு மணி நேரத்திற்குமுன்பு இந்த தொகுப்பு காட்டப்படவுள்ளது.

சிலைகள் மயமாகும் மெரீனா:

உலகின் 2வது மிகப் பெரிய கடற்கரை என்ற பெருமை பெற்றுள்ள மெரீனா கடற்கரையில், சிலைகளின் எண்ணிக்கை பெருகிக் கொண்டே வருகிறது.

முன்பு திமுக ஆட்சிக்காலத்தில் சென்னையில் நடந்த உலகத் தமிழ் மாநாட்டையொட்டி பல்வேறு தலைவர்களின் சிலைகள் நிறுவப்பட்டன. எழிலகம் முன்புதொடங்கி, கலங்கரை விளக்கம் வரை இந்த சிலைகள் வரிசையாக நிறுவப்பட்டன.

திருவள்ளுவர், பாரதியார், பாரதிதாசன், கண்ணகி, வீரமாமுனிவர், நேதாஜி, மகாத்மா காந்தி, அவ்வையார், காமராஜர், உழைப்பாளர் சிலை ஆகியவைஇங்குள்ளன. தற்போது 11வது சிலையாக சிவாஜி சிலை இடம் பெறுகிறது.

இதில் கண்ணகி சிலை கடந்த அதிமுக ஆட்சியில் அங்கிருந்து அகற்றப்பட்டு மீண்டும் அதே இடத்தில் சமீபத்தில் நிறுவப்பட்டது.

இதுதவிர அண்ணா மற்றும் எம்.ஜி.ஆர். ஆகியோரின் சமாதிகளும் இங்குள்ளன.