கோத்தகிரி மலையில் பஸ் கவிழ்ந்து: 110 பேர் காயம்

உதகை:

கோத்தகிரி அருகே மலைப் பாதையில் அரசு பஸ் கவிழ்ந்ததில் 110 பயணிகள் காயமடைந்தனர்.

நீலகிரி மாவட்டம் கோத்தகிரி அருகே டவுன் பஸ் ஏகக் கூட்டத்துடன் சென்றது. பெரகினி என்ற மலைகிராமத்துக்கு சென்று கொண்டிருந்த அந்த பஸ்சில் 162 பயணிகள் நெருக்கியடித்துக் கொண்டு நின்றிருந்தனர்.

ஒரு தனியார் டீ எஸ்டேட் அருகே சென்றபோது அந்த பஸ் கட்டுப்பாட்டை இழந்து மலைப் பாதையில்கவிழ்ந்தது. ஆனால், அதிர்ஷ்டவசமாக அந்த பஸ் எஸ்டேட்டுக்குள் கவிழ்ந்து, உருளாமல் நின்றுவிட்டது.

இதனால் பயணிகள் காயங்களுடன் தப்பினர். காயமடைந்த 110 பயணிகளும் கோவை அரசு மருத்துவமனையில்அனுமதிக்கப்பட்டுள்ளனர்.