நவ-19க்குள் மதுரை இடைதேர்தல்-கோபால்சாமி

சென்னை:

பி.டி.ஆர்.பழனிவேல் ராஜன் காலமானதால் காலியாக உள்ள மதுரை மத்தியசட்டமன்றத் தொகுதிக்கு நவம்பர் 19ம் தேதிக்குள் இடைத் தேர்தல் நடத்தப்படும் எனதலைமைத் தேர்தல் ஆணையர் கோபாலசாமி கூறியுள்ளார்.

புகைப்பட வாக்காளர் பட்டியலைத் தயாரிக்கும் பணியை துரிதப்படுத்துவதுதொடர்பாக தமிழக தலைமைத் தேர்தல் அதிகாரி நரேஷ் குப்தா மற்றும் தேர்தல்அதிகாரிகளுடன் ஆலோசனை நடத்தினார் கோபாலசாமி.

பின்னர் செய்தியாளர்களிடம் அவர் பேசுகையில்,

மதுரை மத்திய தொகுதியில் 100 சதவீத வாக்காளர்களுக்கு புகைப்பட அடையாளஅட்டை வழங்கத் திட்டமிட்டுள்ளோம். புகைப்பட அடையாள அட்டை முழுமையாகவழங்கப்பட்ட பின்னர் அங்கு புகைப்பட வாக்காளர் பட்டியல் வெளியிடப்படும்.

அதன் பின்னர் இடைத் தேர்தல நடத்தப்படும். நவம்பர் 19ம் தேதிக்குள் இடைத்தேர்தல் நடத்தப்பட்டுவிடும்.

தமிழகத்தில் 74 சதவீதம் பேருக்கு தற்போது புகைப்பட அடையாள அட்டைகள்வழங்கப்பட்டுள்ளன என்றார் கோபாலசாமி.