பண்டிட் மகாராஜ் கஞ்சா சாமியார்!!

சென்னை:

சாமியாராக வலம் வந்து கொண்டே சைடில் கஞ்சா விற்று காசு பார்த்த ஆசாமியைபோலீஸார் கைது செய்துள்ளனர்.

சென்னை நகரின் பல பகுதிகளில் முன்பு கஞ்சா விற்பனை கொடி கட்டிப் பறந்தது. பலரூபங்களில் கஞ்சாவை விற்று வந்தனர். சாக்லேட்டில் மறைத்து வைத்து விற்பது தான்ரொம்ப பிரபலமாக இருந்தது. ஆனால் அந்த விற்பனையை போலீஸார் கடும்நடவடிக்கை எடுத்து ஒடுக்கிய பின்னர் கஞ்சா நடமாட்டம் சற்றே குறைந்திருந்தது.

இந்த நிலையில், பூக்கடை பகுதியில் கஞ்சா விற்பனை கொடி கட்டப் பறக்கத்தொடங்கியுள்ளதாக போலீஸாருக்குத் தகவல் கிடைத்தது. இதையடுத்துஇன்ஸ்பெக்டர் ஜோசப் தலைமையிலான போலீஸ் குழு சம்பந்தப்பட்ட இடத்துக்குமாறுவேடத்தில் சென்றது.

அந்த வீட்டில் சாமியார் ஒருவர் இருந்தார். அவர் தான் கஞ்சா விற்பதாகபோலீஸாருக்குத் தகவல் கிடைத்திருந்தது. இதையடுத்து வாடிக்கையாளர் போலசாமியாரை அணுகிய போலீஸார் கஞ்சா பொட்டலம் வேண்டும் என கேட்டுள்ளனர்.பணத்தை வாங்கிக் கொண்டு சாமியார் கஞ்சா கொடுத்தார். உடனடியாக அவரைபோலீஸார் கைது செய்தனர்.

அவரது வீட்டை சோதனையிட்ட போலீஸார் அங்கிருந்து ரூ. 1லட்சம் மதிப்புள்ளகஞ்சா மற்றும் மூலப் பொருட்களை பறிமுதல் செய்தனர். சாமியாரின் பெயர்தேவேந்திரகுமார். இவர் ராஜஸ்தானைச் சேர்ந்தவர். மனைவியும், நான்குகுழந்தைகளும் உள்ளன.

இவர்கள் அனைவரும் ராஜஸ்தானில் வசித்து வருகின்றனர். தேவேந்திர குமார் மட்டும்சென்னையில் இருக்கிறார். சாமியார் போல வேடமிட்டுக் கொண்ட அவர் எப்போதும்பக்திப் பழமாக காட்சி தருவார்.

வெள்ளிக்கிழமை தோறும் கடைகளுக்குச் சென்று பூஜை செய்வார். அதற்காககடைக்கு தலா 50 ரூபாய் வாங்குவார். மார்வாடி வீட்டுக் குழந்தைகளுக்கு பெயர்சூட்டவும் செய்வார்.

இவரை பண்டிட் மகாராஜ் சாமி என்று அழைப்பார்களாம். இவர் தனது வீட்டில் தினசரிபூஜை செய்வாராம். அந்த பூஜையின் போது தான் கஞ்சா விற்பனையில் ஈடுபட்டுவந்தார். லேகியம் போல கஞ்சாவை தயாரித்து அதை வெற்றிலைக்குள் வைத்துவிற்பாராம் சாமியார். ஒரு உருண்டை கஞ்சா லேகியத்தை ரூ. 100 வரை விற்பாராம்.

இவருக்கு தேவையான கஞ்சா இலைகளை பீகாரில் உள்ள ஒரு சாமியார் அனுப்பிவைத்து வருகிறாராம்.

கைது செய்யப்பட்ட சாமியாரை போதை ஒழிப்புப் பிரிவுக்கு போலீஸார் கொண்டுசென்றனர். அங்கு சென்ற சாமியார், அங்கு வைக்கப்பட்டிருந்த சாமி படங்களுக்குப்பூஜை செய்தார். பின்னர் போலீஸாரின் விசாரணைக்கு உட்பட்டார்.