அதிமுக: ராஜன் செல்லப்பாவின் சொத்து மதிப்பு

மதுரை:

மதுரை மத்திய தொகுதி இடைத் தேர்தலில் அதிமுக சார்பில் போட்டியிடும் ராஜன் செல்லப்பா தனக்கு ரூ. 49லட்சம் சொத்து இருப்பதாக தெரிவித்துள்ளார்.

தனது வேட்பு மனுவுடன் தனது சொத்து விவரத்தையும் தாக்கல் செய்துள்ளார்.

அதன் விவரம்:

வங்கியில் என் பெயரில் ரூ.75,000, மனைவி மகேஸ்வரி பெயரில் ரூ.86,000 ரொக்கம், இன்னொரு வங்கியில்என் பெயரில் ரூ.49,079, மனைவி பெயரில் ரூ.26,534மும் டெபாஸிட் செய்யப்பட்டுள்ளது.

ரூ. 25,000க்கு எல்ஐசி பாலிஸி, ரூ.10,000க்கு பஜாஜ் அலயன்ஸ் பாலிஸி, என் பெயரில் ஒரு அம்பாஸடர் கார்,மனைவி பெயரில் ஒரு ஃபோர்டு ஐகான் கார், ஒரு மகேந்திரா ஸ்கார்பியோ கார் ஆகியவை உள்ளன.

என்னிடம் ரூ.73,920 மதிப்புள்ள நகைகளும், மனைவியிடம் ரூ.6,04,800 மதிப்புள்ள தங்க நகைகளும் உள்ளன.

ரூ. 9,00,000 முதலீட்டில் சுய தொழில் செய்து வருகிறேன். என் பெயரில் மதுரை மாவட்ட கிலிபட்டியில்ரூ.1,51,206 மதிப்பிலான 7.34 ஏக்கர் நிலம், வட பழஞ்சியில் ரூ.7,55,000 மதிப்பிலான 9.44 ஏக்கர் நிலம்,கிலிபட்டி கிராமத்தில் ரூ.12,000 மதிப்புள்ள 72 சென்ட் நிலம், கரடிக்கல் கிராமத்தில் ரூ. 90,000 மதிப்பிலான 78சென்ட் நிலம் உள்ளது.

மதுரை பசுமலையில் 22 சென்டில் அமைந்துள்ள ரூ. 13.50,000 மதிப்பிலான வீட்டில் எனக்கு 50% சதவீத பங்குஉள்ளது. இதில் என் மனைவியின் பங்கு ரூ. 4.50,000.

மதுரை தல்லாகுளம் அழகர் கோயில் ரோட்டிலுள்ள 33.5 சென்டில் அமைந்துள்ள வீட்டில் மனைவிக்கு ஏழில் ஒருபங்கு உள்ளது.

என் மொத்த சொத்தின் மதிப்பு ரூ. 49,00,134. இவ்வாறு ராஜன் செல்லப்பா கணக்கு காண்பித்துள்ளார்.

மேலும் தன் மீது திருப்பரங்குன்றம் காவல் நிலையத்தில் 1998ம் ஆண்டு தொடரப்பட்ட ஒரு வழக்கு குற்றப்பத்திரிக்கை தாக்கல் செய்யாத நிலையில் நிலுவையில் இருப்பதாகவும் தெரிவித்துள்ளார். இவர் நடப்பாண்டு வரைவருமான வரிக் கணக்கு தாக்கல் செய்துள்ளார்.