இலவச நிலம்-அரசுக்கு இலவசமாய் தந்த குடும்பம்

சென்னை:

தமிழக அரசின் இலவச 2 ஏக்கர் நிலத் திட்டத்துக்கு திண்டுக்கல்லைச் சேர்ந்த ஒரு குடும்பத்தினர் 6.38 ஏக்கர்நிலத்தை இலவசமாக வழங்கியுள்ளனர்.

திண்டுக்கலைச் சேர்ந்த ஜே.கே.எஸ். மாணிக்கம் என்ற நிலச் சுவான்தாரின குடும்பத்தினர் தங்களிடம் உள்ளஏகப்பட்ட நிலங்களில் 6.38 ஏக்கரை அரசிடம் வழங்கியுள்ளது. இந்த நிலம் நிலக்கோட்டையில் உள்ளது.

நிலத்தின் பட்டா உள்ளிட்ட தாஸ்தாவேஜூகளை முதல்வர் கருணாநிதியிடம் இக் குடும்பத்தினர் வழங்கினர்.அவர்களது பெருந்தன்மைக்கு கருணாநிதி நன்றி தெரிவித்துக் கொண்டார்.

அப்போது உள்ளாட்சித்துறை அமைச்சர் ஸ்டாலினும் உடனிருந்தார்.