தலையில் டிவி விழுந்து 2 வயது குழந்தை பலி

சென்னை:

சென்னை மைலாப்பூரில் தலையில் டிவி பெட்டி விழுந்ததில் 2 வயது குழந்தைபரிதாபமாக இறந்தது.

மைலாப்பூர் அம்பேத்கர் நகரைச் சேர்ந்தவர் சந்திரசேகர். இவரது மகன் ஜெகதீசன்(வயது 2). படு துருதுருப்பான குட்டிப் பையனான ஜெகதீசன் வீட்டுவரவேற்பறையில் விளையாடிக் கொண்டிருந்தான்.

அப்போது டிவி வைக்கப்பட்டிருந்த ஸ்டேண்டை பிடித்து உலுக்கியுள்ளான்.

இதில் ஸ்டேண்ட் மீது இருந்த டிவி குழந்தையின் தலை மீது விழுந்தது. சப்தம் கேட்டுஓடி வந்த குடும்பத்தினர் டிவிக்கு அடியில் குழந்தை சிக்கிக் கிடந்ததைப் பார்த்துஅதிர்ந்தனர்.

உடனடியாக அரசு மருத்துவமனைக்குக கொண்டு சென்றனர். தலையில் பலத்தகாயத்துடன் சிகிச்சைக்கு அனுமதிக்கப்பட்ட ஜெகதீசன் சிகிச்சை பலனளிக்காமல்பரிதாபமாக இறந்துவிட்டான்.