ரயில்வே அமைச்சர் வேலு விபத்தில் காயம்!

மகபூப் நகர் (ஆந்திர பிரதேசம்):

ஆந்திர மாநிலம் மகபூப் நகர் மாவட்டத்தில் நடந்த சாலை விபத்தில் மத்திய ரயில்வே இணை அமைச்சர்ஆர்.வேலு மற்றும் அவரது மனைவி ஆகியோர் காயமடைந்தனர்.

அமைச்சர் வேலுவும், அவரது மனைவியும் காரில் ஹைதராபாத்திலிருந்து ஸ்ரீசைலத்திற்கு சென்றுகொண்டிருந்தனர். மகபூப் நகர் மாவட்டம் வடவரலபள்ளி என்ற இடத்தில் கார் போய்க் கொண்டிருந்தபோது,காருக்குப் பின்னால் வந்து கொண்டிருந்த வேன், வேலுவின் கார் மீது மோதியது.

இதில் அமைச்சர் வேலுவும் அவரது மனைவிக்கும் லேசான காயம் ஏற்பட்டது. வேலுவின் கையில் காயம்ஏற்பட்டுள்ளது. இருவரும் உடனடியாக அச்சம்பேட்டை என்ற இடத்தில் உள்ள மருத்துவமனைக்கு அழைத்துச்செல்லப்பட்டனர்.

அதன் பின்னர் ஹைதராபாத் அழைத்துச் செல்லப்பட்ட இருவரும் அங்குள்ள ரயில்வே மருத்துவமனையில் மேல்சிகிச்சைக்காக அனுமதிக்கப்பட்டுள்ளனர்.