மேலும் 7 மொழிகளுக்கு சாப்ட்வேர்

டெல்லி:தமிழ், இந்தி, தெலுங்கைத் தொடர்ந்து மேலும் 7 இந்திய மொழிகளுக்கான சாப்ட்வேர் தொகுப்பை மத்தியதகவல் தொழில்நுட்பத் துறை அமைச்சர் தயாநிதி மாறன் நாளை வெளியிடுகிறார்.

மத்திய தகவல் தொழில்நுட்பத் துறை அமைச்சகம் ஏற்கனவே தமிழ், இந்தி, தெலுங்கு மொழிகளுக்கானமுழுமையான சாப்ட்வேர் தொகுப்பை வெளியிட்டுள்ளது. இந்த சாப்ட்வேர் தொகுப்புக்கு நல்ல வரவேற்புகிடைத்ததைத் தொடர்ந்து மேலும் 7 இந்திய மொழிகளுக்கான சாப்ட்வேர் தொகுப்பு தயாரிக்கப்பட்டுள்ளது.

அஸ்ஸாமி, கன்னடம், மலையாளம், மராத்தி, ஒரியா, பஞ்சாபி, உருது ஆகிய 7 மொழிகளுக்கான சாப்ட்வேர்சி.டிக்களை டெல்லியில் நடைபெறும் நிகழ்ச்சியில் நாளை மாறன் வெளியிடுகிறார்.

7 இந்திய மொழிகளுக்கான சாப்ட்வேர் சி.டிக்களை இலவசமாக டவுன்லோடு செய்து கொள்ள தகவல்தொழில்நுட்பத் துறையின் இணையதளத்தில் வழி செய்யப்பட்டுள்ளது.

அதற்கான இணைய தள முகவரி: www.ildc.in, www.ildc.gov.in

இந்த சாப்ட்வேர்களில் மொழி உருக்கள் (ஃபான்ட்), கீ போர்ட் டிரைவர், மல்டி ஃபாண்ட் கீபோர்டு என்ஜின்,யுனிகோட் மொழி உருக்கள், பிழை திருத்தும் வசதி, அகராதி உள்ளிட்டவை இடம் பெற்றுள்ளன.