சைக்கிளில் உலகை வலம் வரும் 72 வயது ரஷ்யர்!

சென்னை:இத்தாலியில் வசிக்கும் 72 வயது ரஷ்ய இளைஞர் சைக்கிள் மூலம் உலகத்தை வலம்வந்து கொண்டுள்ளார். இவர் இப்போது தமிழகம் வந்துள்ளார்.

ஜோனஸ் ரைவர். இவருக்கு வயது 72. வழக்கமாக நாடி, நரம்பு தளர்ந்து பிளாஷ்பேக்நினைவுகளுடன் வாழும் வயது இது. ஆனால் ரைவரின் கதையே வேறு. படுவித்தியாசமான தாத்தா இவர்.

ரஷியாவில் பிறந்து, இத்தாலியில் இப்போது வாசம் புரிந்து வரும் ரைவர், கடந்த2000ம் ஆண்டு சைக்கிள் மூலம் உலகை வரும் பயணத்தைத் தொடங்கினார்.இதுவரை 75,000 கி.மீட்டரை வெற்றிகரமாக கடந்து விட்டார்.

மலேசியா, இந்தோனேசியா, தாய்லாந்து, மியான்மர் என 74 நாடுகளைக் கடந்த2008ம் ஆண்டு பெய்ஜிங்கில் நடைபெறும் ஒலிம்பிக் போட்டியின்போது தனதுசைக்கிள் பயணத்தை முடிக்கும் திட்டத்தில் உள்ளார் ரைவர்.

தற்போது இந்தியாவில் சைக்கில் ஓட்டிக் கொண்டுள்ள ரைவர், புதன்கிழமைதமிழகத்திற்குள் நுழைந்தார். இந்தியாவின் பண்பாடு, பாரம்பரியம தன்னைக்கவர்ந்துள்ளதாக கூறும் ரைவர், இந்தியாவில் வணங்கப்படும் 100 கடவுள்களின்பெயர்களை படு சாதாரணமாகக் கூறுகிறார்.

ரைவர் தாத்தாவுக்கு 25 மொழிகளில் பேசத் தெரியுமாம்.

தனது பயணத்தின்போது ஹோட்டல்களில் தங்குவதை விட திறந்த வெளியில்உறங்குவதையே விரும்புகிறார். நகரங்களை விட கிராமங்களில் பயணம்செய்வதையே அதிகம் விரும்புகிறார் ரைவர்.

ஹேப்பி ரைடிங் தாத்தா..!