பாபாவை சந்தித்த ரஜினி, சச்சின்!

சென்னை:புட்டபர்த்தி ஸ்ரீ சத்ய சாய் பாபாவை நடிகர் ரஜினிகாந்ததும், கிரிக்கெட் வீரர் சச்சின் டெண்டுல்கரும் சந்தித்து ஆசிபெற்றனர்.

10 ஆண்டுகளுக்குப் பிறகு சாய் பாபா சென்னை வந்துள்ளார். சென்னையில் நடந்து வரும் அதிருத்ர மகாயாகத்தில் அவர் பங்கேற்றுள்ளார். வரும் 30ம் தேதி வரை இந்த யாகம் நடைபெறுகிறது.

இதற்காக சென்னையில் தங்கி பக்தர்களுக்கு ஆசி கொடுத்து வருகிறார். நேற்று காலை சாய் பாபா கோவிலில்தங்கி பக்தர்களை சந்தித்தார் பாபா.

அவரை நடிகர் ரஜினிகாந்த் தனது மனைவி லதா, மகள்கள் ஐஸ்வர்யா, செளந்தர்யா ஆகியோருடன் சென்றுசந்தித்தார். மலர்க் கொடுத்து வணங்கிய ரஜினியையும் அவரது குடும்பத்தினரையும் பாபா ஆசிர்வதித்தார்.

பின்னர் மாலையில் அவர் யாக சாலைக்கு செல்லவிருந்த நேரத்தில் சச்சின் டெண்டுல்கர் அங்கு வந்தார்.பாபாவை வணங்கிய சச்சினுக்கு நெற்றியில் கை வைத்து ஆசி வழங்கினார் பாபா.

மேற்கு இந்தியத் தீவுகள் அணிக்கு எதிரான போட்டிகளில் சிறப்பாக விளையாடவும் அவர் ஆசிர்வதித்தார்.பின்னர் பாபாவிடம் சுமார் 20 நிமிடங்களுக்குப் பேசிக் கொண்டிருந்தார் சச்சின்.