திமுக-சிபிஎம் 6 வார்டுகளில் நேரடி மோதல்

சென்னை:திமுகவும், மார்க்சிஸ்ட் கம்யூனிஸ்ட் கட்சியும் சென்னை மாநகராட்சி மறு தேர்தலில் 6 வார்டுகளில் நேருக்கு நேர் மோதுகின்றனர்.

100 வார்டுகளுக்கு வருகிற 18ம் தேதி மறு தேர்தல் நடைபெறுகிறது. கடந்த தேர்தலைப் போலவே இந்த தேர்தலிலும் மார்க்சிஸ்ட் கம்யூனிஸ்ட்கட்சி தனித்துப் போட்டியிடுகிறது.

கடந்த தேர்தலில் 8 வார்டுகளில் மார்க்சிஸ்ட் தனித்துப் போட்டியிட்டது. இந்த முறையும் அதே 8 வார்டுகளில் அக்கட்சி போட்டியிடுகிறது. இதில் 6வார்டுகளில் அக்கட்சி திமுகவுடன் நேரடியாக மோதுகிறது.

12, 35, 59, 69, 103, 130 ஆகிய வார்டுகளில் கூட்டணிக் கட்சிகளான தி-முகவும், சிபிஎம்மும் நேருக்கு நேர் சந்திக்கின்றன. மற்ற இரு வார்டுகளிலும்(45, 142) பாமகவுடன், சிபிஎம் மோதுகிறது.