மேடை சரிந்து ஜெயக்குமார் காயம்

பொன்னேரி:முன்னாள் அதிமுக அமைச்சர் ஜெயக்குமார், விழா மேடை சரிந்து விழுந்ததில் லேசான காயமடைந்தார்.

திருவள்ளூர் மாவட்டம் பொன்னேரி அருகே உள்ள பழவேற்காட்டில், ஜெயலலிதா பிறந்த நாளையொட்டி அதிமுக சார்பில்சனிக்கிழமை நலத் திட்ட உதவி வழங்கும் நிகழ்ச்சி நடந்தது. இதில் ஜெயக்குமார் கலந்து கொண்டு நலத் திட்டஉதவிகளை வழங்குவதாக அறிவிக்கப்பட்டிருந்தது.

மேடையில் ஜெயக்குமார் உள்ளிட்டோர் அமர்ந்திருந்தனர். அப்போது நலத் திட்ட உதவிகளைப் பெற பலர் மேடையில்திரண்டனர். இதனால் மேடை பளு தாங்காமல் சரிந்து விழுந்தது.

இதில் ஜெயக்குமார் உள்ளிட்டோர் லேசான காயமடைந்தனர். உடனடியாக நிகழ்ச்சி நிறுத்தப்பட்டு காயமடைந்த அதிமுகநிர்வாகிகள் காரில் ஏறி மருத்துவமனைக்குச் சென்றனர்.