ஜப்பானில் பூகம்பம்: பாதிப்பு இல்லை

டோக்கியோ:கிழக்கு ஜப்பானில் இன்று சக்திவாய்ந்த நிலநடுக்கம் ஏற்பட்டது. ஆனால் இந்த நிலநடுக்கத்தால் எந்த பாதிப்பும் ஏற்படவில்லை என்றுதெரிவிக்கப்பட்டுள்ளது.

இந்தோனேசியாவில் 2 நாட்களுக்கு முன்பு ஏற்பட்ட பயங்கர பூகம்பத்தில் 80க்கும் மேற்பட்டோர் பலியாகினர். பல நூறு பேர் காயமடைந்தனர்.

இந்த நிலையில் ஜப்பானின் கிழக்கில், டோரிஷ்மா என்ற இடத்தில் பூமிக்கடியில் 140 கிலோமீட்டர் தொலைவில் சக்தி வாய்ந்த பூகம்பம்ஏற்பட்டுள்ளது.

ரிக்டர் அளவுகோலில் இது 6 ரிக்டராக பதிவாகியுள்ளது. இந்த பூகம்பத்தால் எந்த பாதிப்பும் ஏற்படவில்லை என்று தெரிவிக்கப்பட்டுள்ளது. மேலும்சுனாமி அபாய எச்சரிக்கையும் விடப்படவில்லை.

ஜப்பானில் பூகம்பம் ஏற்படுவது மிகச் சாதாரண விஷயம். உலகில் ஏற்படும் பூகம்பங்களில் 20 சதவீதம் ஜப்பானில்தான் ஏற்படுகின்றன என்பதுகுறிப்பிடத்தக்கது.