கழன்று விழுந்த விமான பெட்ரோல் டேங்கர்கள்

கிருஷ்ணகிரி:இந்துஸ்தான் ஏரோநாட்டிக்ஸ் லிமிட்டட் நிறுவனத்தின் பயிற்சி விமானத்திலிருந்து கழன்று விழுந்த காலி பெட்ரோல் டேங்கர்களால் கிருஷ்ணகிரிமாவட்டம் ராயக்கோடு பகுதியில் பரபரப்பு ஏற்பட்டது.

பெங்களூரில் உள்ள இந்துஸ்தான் ஏரோநாட்டிக்ஸ் லிமிட்டட் நிறுவனத்தின் பயிற்சி விமானம் ஒன்று கிருஷ்ணகிரி மாவட்டம் சேர்க்காடு-ராயக்கோட்டை வனப் பகுதியின் மீது பறந்து கொண்டிருந்தது.

அப்போது அந்த விமானத்திலிருந்து காலி பெட்ரோல் டேங்கர்கள் திடீரென கழன்று கீழே விழுந்தன. இதைப் பார்த்த வனப் பகுதி கிராமத்தினர்பீதியடைந்தனர்.

நல்ல வேளையாக டேங்கர்கள் வீடுகள் மீதோ, கிராமத்தினர் மீதோ விழவில்லை. இதனால் யாருக்கும் காயம் ஏற்படவில்லை. போலீஸாருக்குத்தகவல் போய் அவர்கள் விரைந்து வந்து காலி பெட்ரோல் டேங்கர்களை மீட்டனர்.

பின்னர் இந்துஸ்தான் ஏரோநாட்டிக்கல் நிறுவனத்திற்குத் தகவல் தரப்பட்டது.