மே.இ. தீவு வெற்றி: திணறடித்த ஜிம்பாப்வே

கிங்ஸ்டன்:ஜிம்பாப்வே வீரர்களின் சிறந்த ஆட்டத்தை சமாளித்து மேற்கு இந்தியத் தீவுகள் அணி வெற்றி பெற்று சூப்பர் 8 சுற்றுக்குத் தகுதி பெற்றது.

டி பிரிவில் இடம்பெற்றுள்ள மேற்கு இந்தியத் தீவுகள் அணியும், ஜிம்பாப்வேயும் கிங்ஸ்டனில் மோதின. முதலில் பேட்டிங் செய்த ஜிம்பாப்வேஅணி, மேற்கு இந்தியத் தீவுகள் அணியின் பந்து வீச்சை சமாளித்து சிறப்பாக பேட் செய்தனர்.

ஆரம்பத்தில் விக்கெட்டுகள் மளமளவென சரிந்தாலும் சீன் வில்லியம்ஸ் சிறப்பாக ஆடி மேற்கு இந்தியத் தீவுகள் அணிக்கு பெரும் மிரட்டலாகவிளங்கினார்.

டெய்லர் சிறப்பாக ஆடி 50 ரன்களைக் குவித்தார். சீன் வில்லியம்ஸ் விக்கெட் வீழ்ச்சியை நிறுத்தி கடைசி வரை ஆட்டமிழக்காமல் 70 ரன்களைச்சேர்த்து அணியை பலப்படுத்தினார். அவருக்குத் துணையாக சிகும்பராவும் சிறப்பாக ஆடி ஆட்டமிழக்காமல் 30 ரன்களைச் சேர்த்தார்.

இறுதியில் 50 ஓவர்கள் முடிவில் ஜிம்பாப்வே அணி 5 விக்கெட்டுகளை இழந்து 202 ரன்களைச் சேர்த்தது.

பின்னர் விளையாடிய மேற்கு இந்தியத் தீவுகள் அணி வீரர்கள் நிதானமாக ஆட்டத்தைத் தொடங்கினர். கெய்ல் 40 ரன்களும், சந்தர்பால் 21 ரன்களும்சேர்த்து ஆட்டமிழந்தனர்.

ராம் நரஷ்ே சர்வான் 12 ரன்களில் பெவிலியன் திரும்பினார். மர்லான் சாமுவேல்ஸ் 28 ரன்களைச் சேர்த்தார். கேப்டன் லாரா சிறப்பாக ஆடி 44ரன்கள் எடுத்து ஆட்டமிழக்காமல் இருந்தார். அவருக்குத் துணையாக பிரேவோ சிறப்பாக ஆடி 37 ரன்களை எடுத்தார்.

4 விக்கெட்டுகளை மட்டுமே இழந்து 47.5 ஓவர்களில் மேற்கு இந்தியத் தீவுகள் அணி 204 ரன்களை எடுத்து 6 விக்கெட் வித்தியாசத்தில் வெற்றிபெற்றது.

ஏற்கனவே பாகிஸ்தானை வென்றுள்ள மேற்கு இந்தியத் தீவுகள் அணி, இந்த வெற்றியின் மூலம் சூப்பர் 8 சுற்றுக்கு முன்னேறியுள்ளது.

சிறப்பாக ஆடிய ஜிம்பாப்வே வீரர் சீன் வில்லியம்ஸ், ஆட்ட நாயகனாக தேர்ந்தெடுக்கப்பட்டார்.