ரயில்கள் ரத்து - விமான நேரங்கள் மாற்றம்

சென்னை:பந்த்தையொட்டி தமிழகம் முழுவதும் இன்று ரயில்கள் ரத்து செய்யப்பட்டுள்ளன. விமான நேரங்கள் மாற்றி அமைக்கப்பட்டுள்ளன.

ரத்து செய்யப்பட்டுள்ள ரயில்கள் விவரம்:

பல்லவன் எக்ஸ்பிரஸ், மலைக்கோட்டை எக்ஸ்பிரஸ், வைகை எக்ஸ்பிரஸ், பாண்டியன் எக்ஸ்பிரஸ், சேரன் எக்ஸ்பிரஸ், சென்னை-புதுச்சேரி எக்ஸ்பிரஸ், சென்னை-மைசூர் சதாப்தி எக்ஸ்பிரஸ், பெங்களூர்-சென்னை சதாப்தி எக்ஸ்பிரஸ், சென்னை-கோவை கோவை எக்ஸ்பிரஸ், பிருந்தாவன் எக்ஸ்பிரஸ், லால்பாக் எக்ஸ்பிரஸ், சென்னை-பெங்களூர் சென்னை எக்ஸ்பிரஸ்,

சென்னை-திருப்பதி எக்ஸ்பிரஸ், திருப்பதி-சென்னை எக்ஸ்பிரஸ், கருடாத்திரி எக்ஸ்பிரஸ், கோவை-சென்னை இன்டர் சிட்டி எக்ஸ்பிரஸ், அரக்கோணம்-ஜோலார்பேட்டை எக்ஸ்பிரஸ், ஏலகிரி எக்ஸ்பிரஸ், ஜன சதாப்தி எக்ஸ்பிரஸ் ஆகியவை முழுமையாக ரத்து செய்யப்பட்டுள்ளன.

சென்னை எழும்பூர்-குருவாயூர் இடையிலான எக்ஸ்பிரஸ் ரயில், நாகர்கோவில்-சென்னை இடையே ரத்து செய்யப்பட்டுள்ளது. சென்னை எழும்பூர்-மங்களூர் எக்ஸ்பிரஸ் ரயில், திருச்சி-சேரனூர் இடையே ரத்து செய்யப்பட்டுள்ளது.

சென்னை எழும்பூர்-திருவனந்தபுரம் அனந்தபுரி எக்ஸ்பிரஸ் ரயில், விழுப்புரம்-சென்னை இடையே ரத்து செய்யப்படுகிறது. சென்னை சென்டிரல்-மங்களூர் வெஸ்ட் கோஸ்ட் எக்ஸ்பிரஸ் ரயில், சென்னை- பாலக்காடு இடையே ரத்து செயய்ப்படுகிறது.

மைசூர்-சென்னை காவிரி எக்ஸ்பிரஸ் ரயில், அரக்கோணத்துடன் நிறுத்தப்படும். மாலை 6 மணிக்கு மேல் அது சென்னைக்கு வந்து சேரும்.

இதுதவிர பல ரயில்களின் நேரங்கள் மாற்றி அமைக்கப்பட்டுள்ளன. சென்னை நகரில் இயக்கப்படும் மின்சார ரயில்கள் இன்று மாலை 6 மணிக்கு மேல் இயக்கப்படும்.

ரயில்கள் ரத்து, மாற்றம் குறித்து அறிய விரும்புவோரின் வசதிக்காக சிறப்பு தகவல் மையத்தை தெற்கு ரயில்வே அமைத்துள்ளது.

இதற்கான தொலைபேசி எண்கள்

சென்னை சென்டிரல் - 044-25024544, 25024545, 25024546.

சென்னை எழும்பூர் - 044-64502415, 64502416.

விமான நேரங்களில் மாற்றம்

அதேசமயம், விமானங்கள் முழுமையாக ரத்து செய்யப்படவில்லை. நிலைமைக்கு ஏற்ப விமானங்களை இயக்க முடிவு செய்யப்பட்டுள்ளது.

பல விமானங்களின் நேரங்கள் மாற்றி அமைக்கப்பட்டுள்ளன. இந்தியன் ஏர்லைன்ஸ் நிறுவனம் தனது விமானங்களின் நேரங்களை பந்த்துக்கேற்ப மாற்றி அறிவித்துள்ளது.