இன்று முதல் ரயில் கட்டணம் குறைப்பு

சென்னை:ரயில்வே பட்ஜெட்டில் அறிவித்தபடி, சில ரயில்களுக்கான கட்டணக் குறைப்பு இன்று முதல் அமலுக்கு வந்துள்ளது.

மத்திய ரயில்வே பட்ஜெட்டில், சில ரயில் வகுப்புகளுக்கான கட்டணம் குறைக்கப்படும் என அறிவிக்கப்பட்டது.

அதன்படி பாசஞ்சர், மெயில், எக்ஸ்பிரஸ் ரயில்களில் 1 ரூபாய் கட்டணம் குறைக்கப்படும். இந்தக் கட்டணக் குறைப்பு, புறநகர் மின் ரயில்களுக்கும், சூப்பர் ஃபாஸ்ட் மெயில், எக்ஸ்பிரஸ் ரயில்களுக்கு பொருந்தாது.

இதுபோல, புறநகர் அல்லாத மார்க்கத்தில் செல்லும் பாசஞ்சர் ரயில்களில் இரண்டாம் வகுப்பு கட்டணம் 3 ரூபாய் குறைக்கப்படுகிறது.

இதேபோல, கூட்டம் அதிகமாக இருக்கும் காலம், குறைவாக இருக்கும் காலம் என இரு பிரிவாகப் பிரித்து, ஏசி வகுப்புகளுக்கான கட்டணத்தில் சில நிபந்தனைகளுக்குட்பட்டு 2 முதல் 8 சதவீதம் வரை கட்டணக் குறைப்பு அமல்படுத்தப்படுகிறது.

இந்தக் கட்டணக் குறைப்பு இன்று முதல் அமலுக்கு வருகிறது என ரயில்வே அறிவித்துள்ளது.