இலங்கை செல்கிறார் மன்மோகன் சிங்

டெல்லிபிரதமர் மன்மோகன் சிங் விரைவில் இலங்கைக்கு அதிகாரப்பூர்வ பயணம் மேற்கொள்ளவுள்ளதாக வெளியுறவுச் செயலாளர் சிவசங்கர் மேனன் கூறியுள்ளார்.

டெல்லியில் 33வது சார்க் நிலைக்குழுக் கூட்டம் நேற்று நடந்தது. இந்தக் கூட்டத்திற்குப் பின்னர் செய்தியாளர்களிடம் மேனன் பேசினார்.

அப்போது இலங்கையைச் சேர்ந்த ஒரு செய்தியாளர், கடந்த 20 ஆண்டுகளாக இந்தியப் பிரதமர் யாரும் அதிகாரப்பூர்வ பயணமாக இலங்கைக்கு வரவில்லையே என்று கேட்டார்.

அதற்குப் பதில் அளித்த மேனன், விரைவில் அந்தக் குறை நீங்கும். பிரதமர் மன்மோகன் சிங் விரைவில் இலங்கைக்கு அதிகாரப்பூர்வ பயணமாக வருவார் என்று நம்புகிறேன் என்றார்.

தொடர்ந்து மேனன் கூறுகையில், 1998ம் ஆண்டு கொழும்பில் நடந்த சார்க் மாநாட்டில் அப்போதைய பிரதமர் வாஜ்பாய் கலந்து கொண்டதையும் நினைவு கூர்ந்தார்.