உ.பியில் ஜெயலலிதா 2 நாள் பிரசாரம்

சென்னைஉத்தரப் பிரதேச மாநில சட்டசபைத் தேர்தலில் சமாஜ்வாடிக் கட்சி வேட்பாளர்களை ஆதரித்து அதிமுக பொதுச் செயலாளர் ஜெயலலிதா 2 நாள் பிரசாரம் மேற்கொள்கிறார்.

இதுதொடர்பாக அதிமுக தலைமைக் கழகம் வெளியிட்ட அறிக்கையில், உத்தரப் பிரதேச சட்டசபைத் தேர்தலில் சமாஜ்வாடிக் கட்சிக்கு ஆதரவாக பிரசாரம் செய்ய வருமாறு அக்கட்சியின் தலைவரும், உ.பி. முதல்வருமான முலாயம் சிங் கோரிக்கை விடுத்திருந்தார்.

அதை ஏற்று ஜெயலலிதா உ.பி தேர்தலில் 2 நாட்கள் பிரசாரம் மேற்கொள்கிறார். ஏப்ரல் 8ம் தேதி பரேலி நகரிலும், 12ம் தேதி அலகாபாத் நகரிலும் அவர் பிரசாரம் மேற்கொள்ளவுள்ளார் என்று அதில் தெரிவிக்கப்பட்டுள்ளது.