சஹாராவை ரூ1450 கோடிக்கு வாங்கிய ஜெட் ஏர்வேஸ்

டெல்லி:இந்தியாவின் முன்னணி தனியார் விமான நிறுவனமான ஜெட் ஏர்வேஸ் ரூ. 1,450 கோடிக்கு சஹாரா ஏர்வேஸ் விமான நிறுவனத்தை வாங்கியுள்ளது.

சஹாராவை வாங்க கடந்த 4 மாதங்களுக்கு முன்பே ஜெட் ஏர்வேஸ் முயன்றது. இது தொடர்பான ஒப்பந்தமும் போடப்பட்டு முதல் கட்டமாக ரூ. 500 கோடியையும் வழங்கியது.

ஆனால், சஹாராவின் கடன் தொகையை யார் ஏற்பது என்பதில் இரு நிறுவனங்களுக்கும் இடையே சிக்கல் ஏற்பட்டது.

இதையடுத்து சஹாராவை வாங்குவதை ஜெட் கைவிட்டது. தான் கொடுத்த ரூ. 500 கோடியை திரும்பக் கேட்டது.

இதை தர சஹாரா மறுத்தது. இதையடுத்து இரு தரப்பினரும் நீதிமன்றம் சென்றனர்.

இந் நிலையில் நீதிமன்றத்துக்கு வெளியிலேயே இரு தரப்பினரும் பேச்சு நடத்தி பிரச்சனையை தீர்த்துக் கொண்டுவிட்டனர்.

இதையடுத்து ரூ. 1,450 கோடிக்கு சஹாராவை வாங்க ஜெட் ஒப்புக் கொண்டது. ஏற்கனவே ரூ. 500 கோடி கொடுக்கப்பட்டுவிட்ட நிலையில் உடனடியாக மேலும் ரூ. 400 கோடியை ஜெட் வழங்கும்.

மீதமுள்ள தொகையான ரூ. 550 கோடியை நான்கு தவணைகளில் 4 ஆண்டுகளுக்குள் ஜெட் வழங்கும்.