பாஜக எம்பிக்கு செக்ஸ் கும்பலுடன் தொடர்பு?

டெல்லி:குஜராத் மாநில பாஜக எம்பி கத்தாராவுக்கு செக்ஸ் கும்பலுடன் தொடர்பு இருக்கலாம் என போலீஸார் சந்தோகப்படுகிறார்கள்.

பாபுபாய் கத்தாரா சில நாட்களுக்கு முன்பு தனது மனைவியின் பாஸ்போர்ட்டை பயன் படுத்தி வேறு ஒரு பெண்ணை கனடாவுக்கு அழைத்து செல்ல முயன்ற போது கைது செய்யப்பட்டார்.

இவரது சூட்கேஸை பரிசோதித்தபோது செக்ஸ் ஊக்கம் தரும் மருந்துகள் இருந்தன.

இந் நிலையலில் கத்தாரா வீட்டில் போலீஸார் நேற்று சோதனை நடத்தினர். இதில் 12 போலி பாஸ்போர்ட்டுகள் சிக்கின. மேலும் அவரது வீட்டில் வயாகரா மாத்திரைகளும், ஏராளமான ஆபாச சிடிக்களும் சிக்கின.

இதுவரை பல பெண்களை வெளிநாடுகளுக்குக் கடத்தியுள்ள கத்தாராவுக்கு செக்ஸ் கும்பல்களுக்கும் தொடர்பு இருந்து இருக்கலாம் என சந்தேகிக்கப்படுகிறது. இதுகுறித்து தனிப்படை போலீஸார் விசாரணை நடத்தி வருகின்றனர்.