ஃபீடிங் படி-சட்டசபையில் காமெடி வெடி

சென்னை:காவல்துறையினருக்கு வழங்கப்படும் உணவுப் படி (ஃபீடிங் அலவன்ஸ்) குறித்து நடந்த விவாதத்தின்போது முதல்வர் கருணாநிதி கூறிய நகைச்சுவைக் கருத்தால் அதிமுகவினர் உள்பட அனைத்து உறுப்பினர்களும் விழுந்து விழுந்து சிரித்தனர்.

சட்டசபையில் நேற்று காவல்துறை மானியக் கோரிக்கை மீதான விவாதத்திற்கு முதல்வர் கருணாநிதி பதிலளித்து சுமார் 70 நிமிடங்கள் பேசினார். அப்போது உறுப்பினர் ஜெயக்குமார் (அதிமுக) காவல்துறையினருக்கான ஃபீடிங் படி குறித்துக் கருத்து தெரிவித்தார்.

ஜெயக்குமாரைப் பார்த்தால் ஃபீடிங் குறைவாக எடுப்பவர் போலத் தெரியவில்லை என்றார். இதைக் கேட்டதும் ஜெயக்குமார் உள்பட அனைத்து உறுப்பினர்களும் விழுந்து விழுந்து சிரித்தனர்.

ஜெயக்குமார் கனத்த சரீரத்துடன் இருப்பதையே தனது நகைச்சுவை பேச்சால் உணர்த்திக் கூறினார் கருணாநிதி.