மகாமக குளத்தில் மிதந்து வந்த சுவாமி சிலைகள்

கும்பகோணம்: கும்பகோணம் மகாமக குளத்தில் 7 சுவாமி சிலைகள் கண்டெடுக்கப்பட்டது. இதுகுறித்து போலீஸார் விசாரித்து வருகின்றனர்.

கும்பகோணம் மாகமக குளத்தின் தென்கரையில் சிலைகள் மிதப்பதாக போலீஸாருக்குத் தகவல் வந்தது. இதையடுத்து விரைந்த போலீஸார், சிலைகளை வெளியில் எடுத்தனர்.

அதில் 3 அம்மன் சிலைகள் உள்பட 7 சிலைகள் இருந்தன. இவை அரை அடி முதல் ஒன்றேகால் அடி உயரமும், 5 கிலோ வரை எடை கொண்டதாகவும் இருந்தன. இவை அனைத்தும் பித்தளை சிலைகள்.

இந்த சிலை குளத்திற்கு எப்படி வந்தது என்பது குறித்து இன்ஸ்பெக்டர் ராஜா வழக்குபதிவு செய்து விசாரணை நடத்தி வருகிறார்.