கருணாநிதியுடன் லோகநாதன் குடும்பம் சந்திப்பு

சென்னை:முதல்வர் கருணாநிதியை, பேராசிரியர் லோகநாதனின் குடும்பத்தினர் கோட்டையில் சந்தித்து தாங்கள் அமெரிக்கா செல்வதற்கான செலவுகளை ஏற்றதற்காக நன்றி தெரிவித்துக் கொண்டனர்.

அமெரிக்காவின் விர்ஜீனியா டெக் பல்கலைக்கழகத்தில் நடந்த துப்பாக்கிச் சூட்டில் பலியான தமிழக பேராசிரியர் லோகநாதனின் இறுதிச் சடங்குகள் பல்கலைக்கழக வளாகத்திலேயே நடந்தன.

இதில் அவரது பெற்றோர் உள்ளிட்ட 9 பேர் அடங்கிய குடும்பத்தினர் கலந்து கொண்டனர். இதற்காக அமெரிக்கா செல்வதற்கான செலவுகளை தமிழக அரசே ஏற்றுக் கொண்டது.

இறுதிச் சடங்கு நிகழ்ச்சிகளை முடித்துக் கொண்டு லோகநாதன் குடும்பத்தினர் சென்னை திரும்பினர். நேற்று மாலை அவர்கள் தலைமைச் செயலகம் சென்று அங்கு முதல்வர் கருணாநிதியை சந்தித்தனர்.

அப்போது தங்களுக்கு உடனடியாக பாஸ்போர்ட் கிடைக்கவும், விமான டிக்கெட் கிடைக்கவும் ஏற்பாடு செய்ததற்காக, கண்ணீர் மல்க முதல்வருக்கு நன்றி தெரிவித்துக் கொண்டனர். அவர்களுக்கு முதல்வர் கருணாநிதி ஆறுதல் கூறினார்.